ଫୁଲବାଣୀ : ଦୀର୍ଘ ୨୪ ବର୍ଷ ଧରି ଦେଶ ମାତୃକାର ସେବା କରି ଶେଷରେ ଚାକିରୀରୁ ଅବସର ନେଇ ନିଜ ଜନ୍ମ ମାଟିକୁ ଫେରିଛନ୍ତି ଜଣେ ଯବାନ। ଜନ୍ମ ମାଟିରେ ଯବାନ ଜଣକୁ ଗ୍ରାମବାସୀଙ୍କ ତରଫରୁ ବିପୁଳ ସମ୍ବର୍ଦ୍ଧନା ଦିଆ ଯାଇ ଥିବା ବେଳେ ବାଜା ବାଦ୍ୟରେ କମ୍ପି ଉଠିଛି ଗାଁ। ୨୪ ବର୍ଷ ଚାକିରୀରୁ ଅବସର ନେଇ ନିଜ ଗାଁକୁ ଫେରିଛନ୍ତି ଯବାନ। ମାଟି ମା’ ପାଇଁ ନିଜ ଜୀବନକୁ ଉତ୍ସର୍ଗ କରି ଭାରତ ମାଟିର ସିମାରେ ହେଉ ବା ଦେଶର ଆଭ୍ୟନ୍ତରୀଣ ଆଇନ ଶୃଙ୍ଖଳା ପରିସ୍ଥିତିରେ ହେଉ କିମ୍ବା ଦେଶର ପ୍ରାକୃତିକ ଦୁର୍ବିପାକରେ ହେଉ ସବୁ ପରିସ୍ଥିତିକୁ ସାମନା କରି ଦେଶମାତୃକାକୁ ସୁରକ୍ଷା ପରେ ସୁରକ୍ଷିତ ଭାବରେ ନିଜ ଜନ୍ମ ମାଟିକୁ ଫେରିଛନ୍ତି ଯବାନ ଜଣକ। ଯବାନ ଜଣକ କନ୍ଧମାଳ ଜିଲା ଫିରିଙ୍ଗିଆ ବ୍ଲକ ଭୃଙ୍ଗିଯୋଡି ପଞ୍ଚାୟତ ର ଶୁଣ୍ଢୀଗାଁର ଲମ୍ବୋଦର କହଁର। ୨୪ ବର୍ଷ ତଳେ ଦେଶମାତୃକାର ସେବା ପାଇଁ ଆର୍ମିରେ ଯୋଗ ଦେଇଥିଲେ ଲମ୍ବୋଦର।
ରବିବାର ଦିନ ନିଜ ପଞ୍ଚାୟତ ଭୂଙ୍ଗିଯୋଡି ଛକ ଠାରେ ଯବାନ ଜଣକ ପହଞ୍ଚିଲା ପରେ ଭୃଙ୍ଗୀଯୋଡି ଛକଠାରୁ ତାଙ୍କୁ ସ୍ୱାଗତ କରି ଅଞ୍ଚଳ ବାସୀ ନାଚ ଗୀତ ବାଜା ମହୁରୀ ବାଦ୍ୟ ରେ ଶୋଭାଯାତ୍ରା କରି ନିଜ ଘର କୁ ନେଇ ଆସିଥିଲେ। ପିଲାଟି ଦିନରୁ ଦେଶ ରକ୍ଷା କରିବା ର ଆଗ୍ରହ ଥିବାରୁ ସେ ବହୁତ ଖୁସିରେ ଦେଶମାତୃକାର ସୁରକ୍ଷା ଓ ସେବା ଦାୟିତ୍ଵ ୨୪ ବର୍ଷ ସମାପ୍ତ କରି ନିଜ ମାଟି କୁ ଫେରିଛନ୍ତି। ଏହି ସ୍ବାଗତ ଉତ୍ସବ ରେଅବସରପ୍ରାପ୍ତ ଯବାନ ତିର୍ଥବାସୀ କହଁରଙ୍କ ସହ ଯବାନ ଙ୍କ ପରିବାର ବର୍ଗ ସାଙ୍ଗ ସାଥି ଓ ଅଞ୍ଚଳ ବାସୀଙ୍କ ତରଫରୁ ଭୃଙ୍ଗିଯୋଡି ଛକ ଠାରୁ ସ୍ବାଗତ ସମ୍ବର୍ଦ୍ଧନା କରି ତାଙ୍କ ବାସ ଭବନ ପର୍ଯ୍ୟନ୍ତ ଶୋଭାଯାତ୍ରାରେ ନିଆଯାଇଥିଲା।
