ଫୁଲବାଣୀ: କନ୍ଧମାଳ ଜିଲା ଖଜୁରୀପଡ଼ା ବ୍ଲକ ଅନ୍ତର୍ଗତ ପାବେରୀ ଗ୍ରାମରେ ସୋମବାର ଅପରାହ୍ନ ବେଳେ ବିଦ୍ୟୁତ୍ ସର୍ଟ ସର୍କିଟ ହୋଇ ୩ ବଖରା ଘର ଜଳି ଯାଇଥିବା ସହିତ ଘରର ନୀତି ବ୍ୟବହାର୍ଯ୍ୟ ଆସବାବ ପତ୍ର ପୋଡି ସମ୍ପୂର୍ଣ ନଷ୍ଟ ହୋଇ ଯାଇଥିବା ଜଣା ପଡ଼ିଛି । ରତିକାନ୍ତ ବେହେରାଙ୍କ କହିବା ଅନୁଯାୟୀ ଆମେ ସମସ୍ତେ ନିଜ ନିଜର କାମରେ ବାହାରକୁ ଯାଇଥିବା ବେଳେ ୧୧ ଟା ସମୟରେ ବିଦ୍ୟୁତ୍ ସର୍ଟି ସର୍କିଟ ହୋଇ ଅଚାନକ ଘରେ ନିଆଁ ଲାଗି ଯାଇଥିଲା।
ଗ୍ରାମବାସୀ ମିଳିମିଶି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ, କିନ୍ତୁ ନିଆଁକୁ ଆୟତ୍ତ କରିବାରେ ସଫଳ ହୋଇ ପାରିଲିନଥିଲେ। ଖବର ପାଇ ଖଜୁରୀପଡ଼ା ଦମକଳ ବାହିନୀ ଆସି ନିଆଁ ଲିଭାଇଥିଲା। ଏଥିରେ ଭାଇ ସଚ୍ଚିକାନ୍ତ ବେହେରା ଓ ରମାକାନ୍ତ ବେହେରା ବସବାସ କରୁଥିବା ୩ ବଖରା ଘର ସମ୍ପୂର୍ଣ ଭାବେ ପୋଡି ଯାଇଥିଲା। ଘର ଭିତରେ ଝିଅ ବାହାଘର ପାଇଁ ଥିବା ଲକ୍ଷାଧିକ ଟଙ୍କା ସହିତ ଆସବାବପତ୍ର, ଧାନ ଚାଉଳ ଲୁଗା ପଟା, କାଗଜ ପତ୍ର ସବୁ ପୋଡି ନଷ୍ଟ ହୋଇଯାଇଥିବା ସୂଚନା ମିଳିଛି।
Comments are closed.