ଫୁଲବାଣୀ/ଫିରିଙ୍ଗିଆ: କନ୍ଧମାଳ ଜିଲା ଫିରିଙ୍ଗିଆ ବ୍ଲକ ମହିଳା ଜୀବିକା ସୁରକ୍ଷା ମଞ୍ଚ ତରଫରୁ ଫିରିଙ୍ଗିଆ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ୟ୍ୟାଳୟରେ ଗୋଷ୍ଠୀ ଉନ୍ନୟନ ଅଧିକାରୀ(ବିଡ଼ିଓ)ଙ୍କ ଅନୁପସ୍ଥିତିରେ ହିସାବ ରକ୍ଷକ ସଚିନ ଜାଠେଙ୍କୁ ଫିରିଙ୍ଗିଆ ବ୍ଲକ ରେ ପ୍ରତ୍ୟେକ ଗ୍ରାମରେ ବିଶୁଦ୍ଧ ପାନୀୟ ଜଳ ଯୋଗାଇ ବାକୁ ଦାବି ପତ୍ର ପ୍ରଦାନ କରାଯାଇଛି।
ଦାବି ମୁତାବକ ବର୍ତ୍ତମାନ ଖରା ଦିନ ଆସୁଥିବା ବେଳେ ବ୍ଲକରେ ନିର୍ମାଣ କରାଯାଇଥିବା ପାନୀୟ ଜଳ ପ୍ରକଳ୍ପ ଅଧିକାଂଶ ଅଚଳ ହୋଇ ପଡି ରହିଥିବା ବେଳେ ନଳକୂପ ଠିକ୍ ଭାବରେ ମରାମତି କରାଯାଉନାହିଁ। ଯାହା ବି ମରାମତି ହେଉଛି ଅଧିକାଂଶ ଗୋଳିଆ ପାଣି ବାହାରୁଥିବାରୁ ଜନସାଧାରଣ ପିଇବା ପାଣି ପାଇଁ ବହୁତ୍ ଅସୁବିଧାର ସମ୍ମୁଖୀନ ହେଉଛନ୍ତି।
ଅନ୍ୟପଟେ ନାଳ ପାଣି ଉପରେ ଭରସା କରି ଗୋଳି ପାଣି ବ୍ୟବହାର କରି ଖରା ଦିନ ବିଭିନ୍ନ ରୋଗରେ ପଡ଼ିବା ଭଳି ସମସ୍ୟା ଉପୁଜିଛି କ୍ଷ ତେଣୁ ଫିରିଙ୍ଗିଆ ବ୍ଲକର ପ୍ରତ୍ୟେକ ଗ୍ରାମରେ ବ୍ଲକ ପ୍ରଶାସନ ଜରିଆରେ ପ୍ରତ୍ୟେକ ଗ୍ରାମରେ ନଳକୂପ ମରାମତି, ପାନୀୟ ଜଳ ପ୍ରକଳ୍ପ ମରାମତି ସହ ବିଶୁଦ୍ଧ ପାନୀୟ ଜଳ ଯୋଗାଇ ଦେବାକୁ ମହିଳା ଜୀବିକା ସୁରକ୍ଷା ମଞ୍ଚ ଦାବି କରିଛି।
