ଫୁଲବାଣୀ: ପୋଖରୀକୁ ଶୌଚ ହେବାକୁ ଯାଇ ଖଜୁରୀପଡ଼ା ଥାନା ଅନ୍ତର୍ଗତ ଆଡାଶି ପଡା ପଞ୍ଚାୟତର କାବର୍ ଗାଁର ଜଣେ ଯୁବକଙ୍କ ପୋଖରୀରେ ବୁଡି ମୃତ୍ୟୁ ହୋଇଛି। ବାଲିସୁଗ୍ରି ଗ୍ରାମର ରାମ ଚନ୍ଦ୍ର କହଁର (୪୦) କାବାର ଗାଁର ପ୍ରଶାନ୍ତ କହଁରଙ୍କ ଘରେ ରହି ମୂଲ ମଜୁରୀ କାମ କରି ଚଳୁ ଥିଲା। ଗତକାଲି ସନ୍ଧ୍ୟାରେ ଶୌଚ ହେବାପାଇଁ ରାମ ଚନ୍ଦ୍ର କାବର୍ ସ୍କୁଲ ନିକଟ ପୋଖରୀ ଯାଇଥିଲେ, କିନ୍ତୁ ଆହୁରି ଘରକୁ ଫେରି ନ ଥିଲେ । ପରିବାର ବର୍ଗ ଆଖ ପାଖ ସାହି ପଡିଶାରେ ଖୋଜି ନ ପାଇବା ପରେ ଥାନାର ଦ୍ବାରସ୍ଥ ହୋଇ ଏତଲା ଦେଇଥିଲେ। ଅନ୍ୟପଟେ ପୁଲିସ ୧୭/୨୨ ରେ ମାମଲା ରୁଜୁ ଖୋଜା ଖୋଜି ଜାରି ରଖି ଥିଲା। କିନ୍ତୁ ସୋମବାର ସକାଳୁ ଗ୍ରାମ ବାସି ଶୌଚ ହେବାପାଇଁ ପୋଖରୀକୁ ଯାଇଥିବା ବେଳେ ମୃତଦେହ ପୋଖରୀ ପାଣିରେ ଭାସୁଥିବା ଦେଖି ଥାନାକୁ ଖବର ଦେଇ ଥିଲେ। ଖବର ପାଇ ଖଜୁରୀପଡ଼ା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ଫୁଲବାଣୀ ମୁଖ୍ୟ ଚିକିତ୍ସାଳୟ ପଠାଇଛି। ମୃତଦେହ ବ୍ୟବଚ୍ଛେଦ ହେବା ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇ ଥାନାରେ ଅପମୃତ୍ୟୁ ମାମଲା ରୁଜୁ କରାଯାଇଥିବା ପୋଲିସ ସୂତ୍ରରୁ ସୂଚନା ମିଳିଛି।
Comments are closed.