ଫୁଲବାଣୀ:ପୁଲିସ ଶହୀଦ ସପ୍ତାହ ଅବସରରେ ଶହୀଦ ଯବାନମାନଙ୍କୁ ଟାଉନ ଥାନା ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ସ୍ଥାନୀୟ ଆଦର୍ଶ ଥାନାରେ ଆୟୋଜିତ କାର୍ଯ୍ୟକ୍ରମରେ ସଦର ଏସଡିପିଓ ସୁପ୍ରସନ୍ନ ମଲ୍ଲିକ, ରିଜର୍ଭ ଇନସ୍ପେକ୍ଟର ଧର୍ମେନ୍ଦ୍ର ପ୍ରଧାନ, ସର୍ଜେଣ୍ଟ ସରୋଜ କୁମାର ବେହେରା ଓ ଟାଉନ ଥାନା ଅଧିକାରୀ ସୁଶାନ୍ତ କୁମାର ସେଠୀଙ୍କ ସମେତ ଅନ୍ୟ ଅଧିକାରୀ ଓ ଥାନାର କର୍ମଚାରୀମାନେ ଶହୀଦ ମାନଙ୍କ ଫୋଟୋଚିତ୍ରରେ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।
ଏହାପରେ ପୁଲିସ ଅଧିକାରୀମାନେ ଶହୀଦ ସୁନାଶୀର ଓ ସଂଗ୍ରାମଙ୍କ ଘରକୁ ଯାଇ ପରିବାର ଲୋକଙ୍କୁ ଭେଟିଥିଲେ। ଏଥିସହ କୋଭିଡ ଯୋଦ୍ଧା ଶହୀଦ ସୁବାଷ ଚନ୍ଦ୍ର ସାହୁଙ୍କ ଘରକୁ ଯାଇ ମଧ୍ୟ ତାଙ୍କ ପରିବାର ଲୋକଙ୍କ ସହ ଆଲୋଚନା କରିଥିଲେ। ସୂଚନାଯୋଗ୍ୟ, କୋଟଗଡ ଠାରେ ମାଓବାଦୀଙ୍କ ଦ୍ବାରା ବିଛା ଯାଇଥିବା ମାଇନ ବିଷ୍ଫୋରଣରେ ସୁନାଶୀର, ସଂଗ୍ରାମ ଓ ଉମାକାନ୍ତ ଜାନୀଙ୍କ ମୃତ୍ୟୁ ହୋଇଥିଲା।
Comments are closed.