ଫୁଲବାଣୀ: କନ୍ଧମାଳ ଜିଲ୍ଲା ଠିକାଦାର ସଂଘର ସାଧାରଣ ପରିଷଦ ବୈଠକ ଫୁଲବାଣୀ ଠିକାଦାର ସଂଘର ସଭାଗୃହଠାରେ ଅନୁଷ୍ଠିତ ହୋଇଯାଇଛି । ଏହା ପୂର୍ବରୁ ସଂଘର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଥିବା ବେଳେ ପରେ ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ସର୍ବ ସମ୍ମତି କ୍ରମେ ନୂତନ ସଭାପତି ଭାବେ ଅଭୟ ପଟ୍ଟନାୟକ ନିର୍ବାଚିତ ହୋଇଥିବା ବେଳ ଉପସଭାପତି ଭାବେ ଜତିନ କୁମାର ସାହୁଙ୍କୁ ନିର୍ବାଚିତ କରାଯାଇଛି । ସେହିଭଳି ସାଧାରଣ ସମ୍ପାଦକ ଭାବେ ପ୍ରେମଚାନ୍ଦ ତ୍ରିପାଠୀ ଏବଂ ଯୁଗ୍ମସମ୍ପାଦକ ଭାବରେ ଶିବଶଙ୍କର ବେହେରା ଓ କୋଷାଧ୍ୟକ୍ଷ ଭାବେ ଅଶୋକ କୁମାର ମହାନ୍ତି ମନୋନିତ ହୋଇଛନ୍ତି ।
ସଂଘର ଉପଦେଷ୍ଠା ଭାବେ କୁମରାଜ ପ୍ରଧାନ, ସୁଧୀର କହଁର ଓ ଶିବଶଙ୍କର ସାହାଣୀଙ୍କୁ ଚୟନ କରାଯାଛି । ସେହିପରି କାର୍ଯ୍ୟକାରୀ ସଦସ୍ୟ ଭାବରେ ବସନ୍ତ କୁମାର ପାଢୀ, ବସନ୍ତ କୁମାର ମୁନୀ, ସୂର୍ଯ୍ୟକାନ୍ତ ଦାସ, ପାର୍ଥସାରଥି ବିଶ୍ୱାଳ, ଆଶିଷ କୁମାର ମହାନ୍ତି, ଶଙ୍କର ପ୍ରଧାନ, ପ୍ରମୋଦ କୁମାର ପଟ୍ଟନାୟକ, ଅନ୍ତର୍ଯ୍ୟାମୀ ବେହେରା , ମହମ୍ମଦ ହାଫିଜ୍, ଅମିତ କୁମାର ସେନାପତି ଓ ତୁଷାରବିନ୍ଦୁ ପଟ୍ଟନାୟକ ପ୍ରମୁଖଙ୍କ ଚୟନ କରାଯାଇଛି । ଆଗାମୀ ଦିନରେ ସଂଘର ଏବଂ ସଦସ୍ୟ ମାନଙ୍କର ଉନ୍ନତି ପାଇଁ କାର୍ଯ୍ୟ କରିବାକୁ ପ୍ରାଥମିକତା ଦେବାକୁ ନୂତନ ସଭାପତି ନିଜ ବକ୍ତବ୍ୟରେ କହିଛନ୍ତି ।
Comments are closed.