ନୂଆଦିଲ୍ଲୀ: ଦୀର୍ଘ ଦିନ ଧରି ପେଟ୍ରୋଲ ମୂଲ୍ୟରେ ବୃଦ୍ଧିକୁ ନେଇ ଜନତା ଓ ସରକାର ବିଚଳିତ ହୋଇ ପଡ଼ିଥିବାବେଳେ ବୁଧବାର ପେଟ୍ରୋଲିୟମ କମ୍ପାନୀଗୁଡ଼ିକ ତେଲ ମୂଲ୍ୟକୁ କମ୍ କରିଛନ୍ତି। ବର୍ଦ୍ଧିତ ତେଲ ମୂଲ୍ୟକୁ ଅନୁଧ୍ୟାନ କଲେ ବୁଧବାର ହୋଇଥିବା ହ୍ରାସ ବାସ୍ତବରେ ଦେଶବାସୀଙ୍କ ପ୍ରତି ଉପହାସ ସଦୃଶ୍ୟ ମନେ ହେଉଛି। କାରଣ ପେଟ୍ରୋଲିୟମ କମ୍ପାନୀ ଦୀର୍ଘ ପ୍ରତିକ୍ଷା ପରେ ତେଲ ମୂଲ୍ୟରେ ମାତ୍ର ୧ପଇସା କମ୍ କରିଛନ୍ତି। ପ୍ରାରମ୍ଭରେ ପେଟ୍ରୋଲିୟମ କମ୍ପାନୀଗୁଡ଼ିକ ପକ୍ଷରୁ ୬୦ପଇସା କମ୍ କରାଯାଇ ଥିଲା। ହେଲେ ଅଳ୍ପ କିଛି ସମୟ ମଧ୍ୟରେ ଏହି ହ୍ରାସକୁ ବୈଷୟିକ ତ୍ରୃଟି ଦର୍ଶାଇ ୬୦ପଇସାକୁ ୧ପଇସାରେ ପରିବର୍ତ୍ତିତ କରାଯାଇ ଥିଲା। ପେଟ୍ରୋଲିୟମ କମ୍ପାନୀର ୧ପଇସା ହ୍ରାସ ପରେ ଦିଲ୍ଲୀରେ ପେଟ୍ରୋଲ ମୂଲ୍ୟ ୭୮.୪୨ଟଙ୍କାରେ ପହଞ୍ଚି ଥିବାବେଳେ ମୁମ୍ବଇରେ ୮୬.୨୩ଟଙ୍କା ପହଞ୍ଚିଛି। ସେହିପରି ଡିଜେଲ ମୂଲ୍ୟ ଦିଲ୍ଲୀରେ ୬୯.୩୦ଟଙ୍କା ପହଞ୍ଚି ଥିବାବେଳେ ମୁମ୍ବଇରେ ୭୩.୭୮ଟଙ୍କା ହୋଇଛି।
