ପାଟଣା : ପାଟଣା ବ୍ଲକ ଅଞ୍ଚଳରେ କାର୍ଯ୍ୟରତ ଅଗ୍ରଣୀ ସ୍ବେଚ୍ଛାସେବୀ ସଂଗଠନ ପିକକ ପକ୍ଷରୁ ଏଇଆଇଏନ ସହଯୋଗରେ ପୁଷ୍ଟି ଜାତୀୟ ମାଣ୍ଡିଆ ଚାଷ ପାଇଁ ଚାଷୀଙ୍କୁ ପ୍ରୋତ୍ସାହନ ଯୋଗାଇ ଦିଆଯାଉଛି । ପିକକର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଅନୁରାଧା ମହାନ୍ତି ଓ ସମ୍ପାଦକ ରଞ୍ଜନ କୁମାର ମହାନ୍ତିଙ୍କ ପରୋକ୍ଷ ତତ୍ୱବାଧାନରେ ପିକକର ଜିଲ୍ଲା ସଂଯୋଜକ ସତ୍ୟ ନାରାୟଣ ମହାନ୍ତ କାର୍ଯ୍ୟକ୍ରମକୁ ଆଗେଇ ନେଇଛନ୍ତି ।
ଏହି ପର୍ଯ୍ୟାୟରେ ଶ୍ରୀ ମହାନ୍ତ ଓ ତାଙ୍କ ଦଳ ପାଟଣା ବ୍ଲକର ୧୦ଟି ପଞ୍ଚାୟତର ୨୫ଟି ଗ୍ରାମର ୨୫୦ ଜଣ ମହିଳା ଚାଷୀଙ୍କୁ ବିଶୋଧିତ ମାଣ୍ଡିଆ ବିହନ ପ୍ୟାକେଟ ବିତରଣ କରିଛନ୍ତି । ଏହି ଚାଷରୁ ଲାଭ ଓ ଉପାଦେୟତା ଉପରେ ବଛା ବଛା ୪୦ ଜଣ ମହିଳାଙ୍କୁ ସ୍ୱତନ୍ତ୍ର ପ୍ରଶିକ୍ଷଣ ପ୍ରଦାନ କରାଯାଇଛି ।
Comments are closed.