ପାତ୍ରପୁର: ଜରଡ଼ା ଥାନା ତଣ୍ଡିପୁର ପଞ୍ଚାୟତ ହରିଚନ୍ଦନପୁର ଗ୍ରାମ ନିକଟ ନଦୀରୁ ପୁଲିସ ଏକ ଅଜଣା ଯୁବକଙ୍କ ମୃତଦେହ ଉଦ୍ଧାର କରିଛି। ଆଜି ଗ୍ରାମ ପାର୍ଶ୍ଵ ଦେଇ ପ୍ରବାହିତ ବଗୀ ନଦୀ ବରଗଛ ପାର୍ଶ୍ଵରେ ଥିବା ଗଣ୍ଡରେ ଏକ ମୃତଦେହ ଭାସୁଥିବା ଲୋକମାନେ ଦେଖି ଥିଲେ। ଏହା ପରେ ଘଟଣା ସମ୍ପର୍କରେ ପୁଲିସ କୁ ଜଣାଇ ଥିଲେ। ଖବର ପାଇ ଖାରିଆ ଗୁଡ଼ା ପୁଲିସ ଘଟଣାସ୍ଥଳରେ ପହଞ୍ଚିବା ସହିତ ପାଣିରୁ ଅଜଣା ଯୁବକଙ୍କ ମୃତଦେହ ଉଦ୍ଧାର କରିଥିଲା। ଏହାପରେ ମୃତଦେହକୁ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଥିଲା। ମୃତକ ଯୁବକଙ୍କ ପରିଚୟ ମିଳି ପାରିନାହିଁ। ପୁଲିସ ଘଟଣାର ତଦନ୍ତ ଜାରି ରଖିଛି।
Comments are closed.