ପ୍ରେମିକା ୮ ମାସର ଗର୍ଭବତୀ, ପ୍ରେମିକ ଫେରାର

ପାଟଣା : ଭୁବନେଶ୍ୱରରେ ଏକ ଘରୋଇ ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟୟନ କରୁଥିବା ଜଣେ ଆଦିବାସୀ ଛାତ୍ରୀଙ୍କୁ ନିଜ ପଞ୍ଚାୟତ ଅଞ୍ଚଳର ଅନ୍ୟ ସମ୍ପ୍ରଦାୟର ଜଣେ ଯୁବକ ବିବାହର ପ୍ରଲୋଭନ ଦେଖାଇ ତାଙ୍କ ସହ ଶାରୀରିକ ସମ୍ପର୍କ ରଖିବା ଓ ଯୁବତୀ ଜଣକ ୮ ମାସର ଗର୍ଭବତୀ ହେବା ପରେ ବିବାହ କରିବାକୁ ସଫା ସଫା ମନା କରି ଦେବା ସହ ଗ୍ରାମରୁ ଫେରାର ହୋଇ ଯିବା ଘଟଣା ପାଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ୧୯ ବର୍ଷୀୟା ଆଦିବାସୀ ଯୁବତୀଙ୍କୁ ସରାସକୋଲା ଗ୍ରାମର ଜଣେ ଯୁବକ ପ୍ରେମ ଜାଲରେ ଫସାଇ ଥିଲା। ଏବେ ଭବିଷ୍ୟତକୁ ଜନ୍ମ ହେବାକୁ ଥିବା ତାଙ୍କ ସନ୍ତାନକୁ ସୁରକ୍ଷିତ କରିବା ଏବଂ ଅଭିଯୁକ୍ତକୁ ଗିରଫ କରାଯିବା ପାଇଁ ଗତ ୧୯ ତାରିଖରେ ଯୁବତୀ ଜନକ ପାଟଣା ଥାନାରେ ଅଭିଯୋଗ କରିଛନ୍ତି। ଅନ୍ୟପଟେ ଅଭିଯୁକ୍ତକୁ ଖୋଜୁଛି ପୁଲିସ ।