ପାଟଣା:ସପ୍ତାହେ ହେଲା ପାନୀୟ ଜଳ ପାଇପରେ ପାଣି ଆସୁ ନଥିବାରୁ ମଲ୍ଲୀପଶି ବାସୀ ପାନୀୟ ଜଳ ପାଇଁ ବ୍ୟାପକ ଅସୁବିଧାର ସମ୍ମୁଖୀନ ହେଉଛନ୍ତି। ଯାହାକୁ ନେଇ ଏଠାରେ ମହିଳାମାନଙ୍କ ଅସନ୍ତୋଷ ତୀବ୍ର ହେବା ପରେ ମଲ୍ଲୀପଶି କୁସୁନୁପୁର ସାହିର କିଛି ମହିଳା ଆଜି ମଲ୍ଲୀପଶି ଛକ ନିକଟ ପମ୍ପ ହାଉସ ଫାଟକକୁ ତାଲା ମାରିଛନ୍ତି। ତାଙ୍କ ସାହିକୁ ପାଣି ଯାଉନଥିବାରୁ ସେମାନେ ପମ୍ପ ହାଉସରେ ତାଲା ପକାଇବା ପରେ ବ୍ଲକ କାର୍ୟ୍ୟାଳୟରେ ବିଡ଼ିଓଙ୍କ ଉଦେଶ୍ୟରେ ଦାବିପତ୍ର ଦେଇଛନ୍ତି। ତେବେ ସ୍ୱଳ୍ପ ଶକ୍ତି ସମ୍ପନ୍ନ ମୋଟରକୁ ବଦଳ କରାଯାଇ ଉଚ୍ଚ ଶକ୍ତି ସମ୍ପନ୍ନ ମୋଟର ଲଗାଯିବ ବୋଲି ସରପଞ୍ଚ ଭାମାମଣି ଦାସ ସୂଚନା ଦେଇଛନ୍ତି। ଜଳ ଯୋଗାଣ ଦାୟିତ୍ୱରେ ଥିବା ବ୍ୟକ୍ତିଙ୍କ ମାନମାନି ଓ ମନଇଚ୍ଛା ଜଳ ଯୋଗାଣ ଯୋଗୁଁ ବେଶି ଅସୁବିଧା ହେଉଥିବା ମହିଳା ମାନେ ଅଭିଯୋଗ କରିଥିବା ବେଳେ ସବୁ ସାହି ବାସୀ ସମାନ ଭାବରେ ପାଣି ନପାଇଲେ ସବୁଦିନ ପାଇଁ ପମ୍ପ ହାଉସରେ ତାଲା ମାରିଦେବେ ବୋଲି ଧମକ ଦେଇଛନ୍ତି। ଏହାଛଡା ପାଇପ ଲାଇନରୁ ମୋଟର ଲଗାଇ ପାଣି ଚୋରାଉଥିବା ମଧ୍ୟ ଜଳଯୋଗାଣରେ ସମସ୍ୟା ସୃଷ୍ଠି କରୁଛି।ଏହାକୁ ଦୃଷ୍ଟିରେ ରଖି ବେଆଇନ ପାଣିସଂଯୋଗ କୁ ତୁରନ୍ତ ଚିହ୍ନଟ କରି ପଦକ୍ଷେପ ନେବାପାଇଁ ଦାବି ହୋଇଛି।
Popular Categories
Previous article
Next article