ପାଟଣା : କେନ୍ଦୁଝର ଜିଲା ପାଟଣା ତହସିଲ ଅଞ୍ଚଳରେ ବାଲି ଚୋରା ଚାଲାଣ ବୃଦ୍ଧି ପାଇଥିବା ବେଳେ ରାଜସ୍ୱ ବିଭାଗ ଏବେ ଜୋରଦାର ଚଢ଼ାଉ ଅବ୍ୟାହତ ରଖିଛି। ଗତ ଦୁଇ ଦିନ ଭିତରେ ରାଜସ୍ୱ ବିଭାଗ ବିଭିନ୍ନ ସ୍ଥାନରେ ଚଢାଉ କରି ଜୋରିମାନା ଆଦାୟ କରିରାଯାଇଛି। ଆଜି ବେଆଇନ ବାଲି ଚୋରା ଚାଲାଣ ଅଭିଯୋଗରେ ୩୦ହଜାର ୫୬୮ଟଙ୍କା ଆଦାୟ କରାଯାଇଛି।
ଆଜି ପାଟଣା ଅତିରିକ୍ତ ତହସିଲଦାର ଶରଣ କୁମାର ଜେନା ପାଟଣା ନିକଟରେ ଚଢାଉ କରି ଗୋଟିଏ ବେଆଇନ ବାଲି ବୋଝେଇ ଟ୍ରାକ୍ଟର ଜବତ କରିଛନ୍ତି। ସେହିପରି ୪୯ ନମ୍ବର ଜାତୀୟ ରାଜପଥ ର ଚେମଣା ନିକଟରେ ଗୋଟିଏ ବାଲି ବୋଝେଇ ହାଇୱା ଜବତ ହୋଇଛି। ଜବତ ଟ୍ରାକ୍ଟର ଉପରେ ୧୦ ହଜାର ୧୨୦ ଟଙ୍କା ଓ ହାଇୱା ଉପରେ ୨୦ ହଜାର ୪୪୮ ଟଙ୍କା ଜରିମାନା ଆଦାୟ ପାଇଁ ନିର୍ଦେଶ ଦେଇଛନ୍ତି। ସ୍ଥାନୀୟ ଅଞ୍ଚଳରେ ରାଜସ୍ୱ ବିଭାଗର ଅତର୍କିତ ଚଢ଼ାଉ ଯୋଗୁ ବାଲି ମାଫିଆଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି ।
