ପାଟଣା : ସାହାରପଡା ବ୍ଲକ ଅନ୍ତର୍ଗତ ଖଜୀରାପାଟ, ଉଦୟପୁର ଓ ବାଇକଳା ପଞ୍ଚାୟତକୁ ସଂଯୋଗ କରୁଥିବା ବିଲ୍ଲା ଛକରେ ଆଜି ପର୍ଯ୍ୟନ୍ତ ଯାତ୍ରୀ ବିଶ୍ରାମାଗାର ନିର୍ମାଣ କରାଯାଇନାହିଁ। ଏହି ଛକରୁ ବ୍ଲକ ମୁଖ୍ୟାଳୟ ,କେନ୍ଦୁଝର ସହର ଆଦି ବିଭିନ୍ନ ସ୍ଥାନକୁ ଯିବା ପାଇଁ ଯାତ୍ରୀମାନେ ବସକୁ ଅପେକ୍ଷା କରିଥାନ୍ତି । ମାତ୍ର ଏଠାରେ ଯାତ୍ରୀ ବିଶ୍ରାମାଗାର ନଥିବାରୁ ରାସ୍ତା କଡରେ ଜିନିଷ ପତ୍ର ରଖି ଖରା ବର୍ଷାରେ ଯାତ୍ରୀଙ୍କୁ ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡ଼ିଥାଏ । ତିନୋଟି ପଞ୍ଚାୟତର ଜନ ସାଧାରଣ ଏହି ଛକ ଉପରେ ନିର୍ଭର କରିଥାନ୍ତି । ଲକ୍ଷ୍ମୀ ବସ ଚଳାଚଳ କରିବା ପୂର୍ବରୁ ସରକାର ବହୁ ସ୍ଥାନରେ ଯାତ୍ରୀ ବିଶ୍ରାମାଗାର ନିର୍ମାଣ କରିଥିବାବେଳେ ବିଲ୍ଲା ଛକରେ ତାହା ଏ ପର୍ଯ୍ୟନ୍ତ ନିର୍ମାଣ ହୋଇପାରିନଥିବାରୁ ଯାତ୍ରୀମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଯଥାଶୀଘ୍ର ଏଠାରେ ଯାତ୍ରୀ ବିଶ୍ରାମାଗାର ନିର୍ମାଣ କରିବା ପାଇଁ ଦାବି ହେଉଛି ।
Comments are closed.