ଅନୁଗୋଳ : ଅନୁଗୋଳ ବ୍ଲକ ଅନ୍ତର୍ଗତ ମାଣିକଯୋଡ଼ି ପଞ୍ଚାୟତର ପୋକୁଣ୍ଡା ବୃନ୍ଦାବନ ସାହିରେ ବର୍ଷା ଯୋଗୁଁ ଗାଁକୁ ଆମ୍ବୁଲାନ୍ସ ଯାଇ ନପାରିବାରୁ ଶଗଡ଼ରେ ୨ କିମି ପର୍ଯ୍ୟନ୍ତ ଜଣେ ରୋଗୀ ବୁହାହେବା ଭଳି ଘଟଣା ଚର୍ଚ୍ଚାର ବିଷୟ ପାଲଟିଛି । ୨ କିମି ପର୍ଯ୍ୟନ୍ତ ଶଗଡ଼ରେ ଯିବା ପରେ ତାଙ୍କୁ ଆମ୍ବୁଲାନ୍ସରେ ବସାଇ ଡାକ୍ତରଖାନା ଅଣାଯାଇଛି । ଲଗାଣ ବର୍ଷା ଫଳରେ ଗାଁକୁ ଯିବା ଆସିବା କରିବା ଏକ ପ୍ରକାର ଅସମ୍ଭବ ହୋଇ ପଡିଛି । ମୁଖ୍ୟ ରାସ୍ତା ଠାରୁ ସାହି ପର୍ଯ୍ୟନ୍ତ ଦୁଇ କିମି ରାସ୍ତା କାଦୁଅ ପଚପଚ ହୋଇ ରହିଛି । ଫଳରେ ଗାଡି ମୋଟର ଯାଇ ଆସିପାରୁ ନାହିଁ। ଏହି ରାସ୍ତା ଯୋଗୁଁ ଆଜି ଜଣେ ରୋଗୀକୁ ହନ୍ତସନ୍ତ ହେବାକୁ ପଡିଛି। ଗାଁର ଶ୍ରୀବତ୍ସ ସାହୁ ନାମକ ଜଣେ ୮୦ ବର୍ଷିୟ ବୃଦ୍ଧ ମଧୁମେହ ରୋଗୀଙ୍କୁ ଡାକ୍ତରଖାନା ଆଣିବା ପାଇଁ ୧୦୮ ଆମ୍ବୁଲାନ୍ସ ଆସିଥିଲା। ମାତ୍ର ରାସ୍ତା ଖରାପ ଯୋଗୁଁ ଗାଁରେ ଆମ୍ବୁଲାନ୍ସ ନ ପହଞ୍ଚି ପାରିବାରୁ ବାଧ୍ୟ ହୋଇ ଶଗଡ଼ରେ ବସାଇ ଆଣିଥିଲେ। ଏହାପରେ ଶ୍ରୀବତ୍ସ ଆମ୍ବୁଲାନ୍ସରେ ବସି ଜିଲା ମୁଖ୍ୟ ଚିକିତ୍ସାଳୟ ଆସିଥିଲେ। ତେଵେ ପ୍ରତି ଗାଁକୁ ପକ୍କା ସଡକ ଯୋଜନା କରାଯିବା ପାଇଁ କୁହାଯାଉଥିବା ବେଳେ ଆଜିର ଯୁଗରେ ଶଗଡ଼ରେ ରୋଗୀ ବୁହାହେବା ଘଟଣା ଆକପାଖରେ ଚର୍ଚ୍ଚାର ବିଷୟ ପାଲଟିଛି।
Comments are closed.