ଚୌଦ୍ୱାର : ପାଲା ଗାୟକ ଅରୁଣ ଚକ୍ରଧର ବାରିକଙ୍କ ଆଶୁ ଆରୋଗ୍ୟ କାମନା କରି ସମୂହ ଦୀପଦାନ କରାଯାଇଛି । ପାଲା ସଂସ୍କୃତିକୁ ବଂଚାଇ ରଖି ରାଜ୍ୟର ବିଭିନ୍ନ ଜିଲ୍ଲାରେ ପାଲା ପରିବେଷଣ କରିଥିବା ଶ୍ରୀଶ୍ରୀ ନିଳାଚଳ ନିଖିଳ ଉତ୍କଳ ପାଲା ଗାୟକ ପରିଷଦର ସଦସ୍ୟ ଖୋଦ୍ଧାଜିଲ୍ଲାର ଗାୟକ ଅରୁଣ ଚକ୍ରଧର ବାରିକ ଦୃର୍ଘଟଣାର ସିକାର ହୋଇଛନ୍ତି । ଭୁବନେଶ୍ୱର ଯାଉଥିବା ସମୟରେ ଚକ୍ରଧରଙ୍କୁ ଏକ ଗାଡି ଗତ ୨୧ ତାରିଖ ଦିନ ଧକ୍କା ଦେଇ ଚାଲିଯାଇଥିଲା । ତାଙ୍କ ମୁଣ୍ଡରେ ଗଭୀର ଆଘାତ ହୋଇଥିବାରୁ ସେ ଗୁରୁତର ଅବସ୍ଥାରେ ଭୁବନେଶ୍ୱରର ଏକ ଘରୋଇ ମେଡିକାଲରେ ଚିକିତ୍ସିତ ହେଉଛନ୍ତି । ତାଙ୍କର ଆଶୁ ଆରୋଗ୍ୟ କାମନା କରି ସୋମବାର ସନ୍ଧ୍ୟାରେ ଚୌଦ୍ୱାର ନୁନ୍ଟିକିରି ଠାରେ ଥିବା ହନୁମାନଙ୍କ ନିକଟରେ ଟାଙ୍ଗୀ-ଚୌଦ୍ୱାରର ପାଲା ଅନୁଷ୍ଠାନ ବିଶେଶ୍ୱର ପାଲା ମଣ୍ଡଳ ତରଫରୁ ଆଶୁ ଆରୋଗ୍ୟ କାମନା କରି ଦୀପଦାନ କରାଯାଇଛି। ଗାୟକ ବିଚିତ୍ରାନନ୍ଦ ପଣ୍ଡାଙ୍କ ସମେତ ବହୁ ଗାୟକ,ଗାୟିକା ଯୋଗଦେଇ ଦୀପଦାନ କରିଛନ୍ତି ।
Comments are closed.