ଡେସ୍କ: ପତଞ୍ଜଳି ଆୟୁର୍ବେଦ ପରିଚାଳନା ନିର୍ଦ୍ଦେଶକ ଆଚାର୍ଯ୍ୟ ବାଳକୃଷ୍ଣ ଓ ସହ ପ୍ରତିଷ୍ଠାତା ବାବା ରାମଦେବଙ୍କ ବିରୋଧରେ ବିଭ୍ରାନ୍ତିକର ବିଜ୍ଞାପନ ଦେବା ଅଭିଯୋଗରେ ଆଜି ସୁପ୍ରିମକୋର୍ଟ ଶୁଣାଣି କରିଛନ୍ତି। ଜଷ୍ଟିସ୍ ହିମା କୋହଲି ଓ ଜଷ୍ଟିସ୍ ଅହସାନୁଦ୍ଦିନ ଅମାନୁଲ୍ଲାଙ୍କୁ ନେଇ ଗଠିତ ଖଣ୍ଡପୀଠ ପତଞ୍ଜଳିର ବିଜ୍ଞାପନ ବିରୋଧରେ ଇଣ୍ଡିଆନ୍ ମେଡିକାଲ ଆସୋସିଏସନ୍ ପକ୍ଷରୁ ଦାୟର ଏକ ଆବେଦନର ଶୁଣାଣି କରି ଆଲୋପାଥି ଚିକିତ୍ସା ଏବଂ କେତେକ ରୋଗର ଉପଚାର ଦାବି ମାମଲାର ଶୁଣାଣି କରିଥିଲେ। ଅଦାଲତ କହିଛନ୍ତି ଯେ ସେ ବାଲକୃଷ୍ଣଙ୍କ ସତ୍ୟପାଠରେ ସନ୍ତୁଷ୍ଟ ନୁହଁନ୍ତି ଏବଂ ଏଥିରେ ଦିଆଯାଇଥିବା ସ୍ପଷ୍ଟୀକରଣକୁ ଗ୍ରହଣ କରନ୍ତି ନାହିଁ। ଏଲୋପାଥି ଔଷଧର କମ୍ ବ୍ୟବହାର ଦର୍ଶାଉଥିବା ବିଜ୍ଞାପନ ପାଇଁ ପତଞ୍ଜଳି ବିରୋଧରେ କାହିଁକି କୌଣସି କାର୍ଯ୍ୟାନୁଷ୍ଠାନ ନିଆଗଲା ନାହିଁ ବୋଲି ସର୍ବୋଚ୍ଚ ନ୍ୟାୟାଳୟ ଆୟୁଷ ମନ୍ତ୍ରଣାଳୟକୁ ପ୍ରଶ୍ନ କରିଛନ୍ତି। ଅଦାଲତ ରାମଦେବ ଓ ବାଲକୃଷ୍ଣଙ୍କୁ ଏକ ସପ୍ତାହ ମଧ୍ୟରେ ସତ୍ୟପାଠ ଦାଖଲ କରିବାକୁ ଶେଷ ସୁଯୋଗ ଦେଇଛନ୍ତି।
Popular Categories
Previous article
Next article