ପାଟଣା : ସାହାରପଡ଼ା ବ୍ଲକ ଅନ୍ତର୍ଗତ ଖୁଣ୍ଟାପଡ଼ା ପଞ୍ଚାୟତ ହୁଡ଼ି ସାହିର ବହୁ ମହିଳା ପଞ୍ଚାୟତକୁ ଆସି ଫାଟକ ସାମ୍ନାରେ ଗରା ବାଲତି ରଖି ଧାରଣା ଦେଇଥିଲେ। ସାହିରେ ଥିବା ନଳକୂପଟି ଅଚଳ ହୋଇପଡ଼ିଥିବାରୁ ପାନୀୟ ଜଳ ସଂଗ୍ରହ ପାଇଁ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହେଉଥିବା ଅଭିଯୋଗ କରିଥିଲେ। ବର୍ଷ ବର୍ଷ ଧରି ନିଜର ମୌଳିକ ସୁବିଧାରୁ ବଞ୍ଚିତ ହୋଇ ରହିଥିବା ୧୨୦ ଘରର ଆଦିବାସୀ ପରିବାର ପାଣି ନ ପାଇବାରୁ ପଞ୍ଚାୟତ ସମ୍ମୁଖରେ ଗରିଆ ବାଲତି ଧରି ଧାରଣା ଦେଇଥିଲେ। ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ସାହାରପଡା ବ୍ଳକ ଖୁଣ୍ଟାପଡା ପଞ୍ଚାୟତ କାର୍ୟ୍ୟାଳୟ ସାମ୍ନାରେ। ହୁଡି ସାହିରୁ ବ୍ଲକ ମୁଖ୍ୟାଳୟ ମାତ୍ର ସାହାରପଡା ୭ କିଲୋମିଟର ଦୂରରେ ରହିଥିବା ବେଳେ ୧୩୦ ପରିବାରର ପ୍ରାୟ ୪୫୦ଲୋକ ବସବାସ କରୁଛନ୍ତି। ହେଲେ ପାଣି ନ ପାଇବାରୁ ପଞ୍ଚାୟତ ସମ୍ମୁଖରେ ଧାରଣା ଦେଇଛନ୍ତି। ସମାଧାନର ପ୍ରତିଶ୍ରୁତି ମିଳିବା ପରେ ସେମାନେ ଧାରଣାରୁ ଓହରି ଥିବା ଜଣାପଡିଛି।
Comments are closed.