ପାଟଣା: କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ଖିରେଇ ଟାଙ୍ଗିରି ଠାରେ ଆସ୍ପାୟାର ଦ୍ୱାରା ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଇଛି। ଏହି ଅନ୍ତର୍ଜାତୀୟ ମହିଳା ଦିବସରେ ମୁଖ୍ୟ ଅତିଥିଭାବେ ଜିଲ୍ଲା ପରିଷଦ ସଦସ୍ୟ ପ୍ରଫୁଲ ଚନ୍ଦ୍ର ନାଏକ ଏବଂ ସମ୍ମାନୀୟ ଅତିଥିଭାବେ ଖିରେଇ ଟାଙ୍ଗିରି ଗ୍ରାମ ପଞ୍ଚାୟତର ସରପଞ୍ଚ ସଞ୍ଜୁଲତା ନାଏକ ଉପସ୍ଥିତ ଥିବାବେଳେ ଅନ୍ୟମାନଙ୍କ ମଧ୍ୟରେ ଆସ୍ପାୟାର ବ୍ଲକ ଅଧିକାରୀ ଶିଶିର କୁମାର ଦାସ, ବରିଷ୍ଠ ଶିକ୍ଷକ ନନ୍ଦ କିଶୋର ନାଏକ ପୂର୍ବତନ ସମିତି ସଭ୍ୟ ରମେଶ ଚନ୍ଦ୍ର ନାଏକଙ୍କ ସହିତ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ନାରୀ ଜାତିକୁ ସମ୍ନାନ, ନାରୀର ପ୍ରକୃତ ଅଧିକାର ସହିତ କନ୍ୟା ସନ୍ତାନମାନଙ୍କୁ ସୁରକ୍ଷା ଦେଇ ପାଠ ପଢେଇ ସମାଜରେ ପ୍ରତିଷ୍ଠା କରିବା ମୁଖ୍ୟ ଆଲୋଚନାର ବିଷୟ ଥିଲା। ଏହି ଦିବସକୁ ପାଳନ କରିବା ପାଇଁ ଆସ୍ପାୟାର ସଂସ୍ଥାର କାର୍ଯ୍ୟକର୍ତ୍ତା ଉଜ୍ଜୟିନୀ ମହାନ୍ତ, ଗୀତାଞ୍ଜଳି ମହାନ୍ତ, ମନୋଜ କୁମାର ନାଏକ, ଶିବରୋଶନ ନାଏକ, ମିନୁ ମହାନ୍ତ, ବିଜୟ କୁମାର ମହାନ୍ତ, ଦେବଦ୍ୟୁତି ସାହୁ ଏବଂ ଆସ୍ପାୟାର ଶିକ୍ଷୟତ୍ରୀ ଉଷାରଣୀ ନାଏକ ପ୍ରମୁଖ ଉପସ୍ଥିତ ଥିଲେ।
Comments are closed.