ନୂଆଦିଲ୍ଲୀ : ଅଗଷ୍ଟ ୫ରେ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ ଅଯୋଧ୍ୟାରେ ଶ୍ରୀରାମ ଜନ୍ମଭୂମି ମନ୍ଦିର ଭୂମିପୂଜାର କରିବାର କାର୍ଯ୍ୟକ୍ରମ ରହିଛି। ଏହି ସମୟରେ ସେ ଜନ୍ମଭୂମି ମନ୍ଦିରର ପରିସରରେ ପାରିଜାତର ବୃକ୍ଷ ଲଗାଇବେ ବୋଲି ଜଣାପଡ଼ିଛି। ଜାଣନ୍ତୁ କେଉଁ କାରଣରୁ ଏହି ବୃକ୍ଷର ମହତ୍ୱ ଓ ବିଶେଷତ୍ୱ ରହିଛି, ଯେଉଁକାରଣରୁ ଏହାକୁ ଭୂମିପୂଜା ସମାରୋହର ଏକ ଅଂଶ ବୋଲି କୁହାଯାଇଛି। ଏହି ଦିବ୍ୟ ବୃକ୍ଷ ବିଷୟରେ ଜାଣନ୍ତୁ…..
ପାରିଜାତ ବୃକ୍ଷ ଖୁବ ସୁନ୍ଦର। ଏହାର ଫୁଲକୁ ଭଗବାନ ବିଷ୍ଣୁଙ୍କ ଶୃଙ୍ଗାର ଓ ପୂଜାରେ ପ୍ରୟୋଗ ହୋଇଥାଏ। ହିନ୍ଦୁଧର୍ମରେ ଏହି ବୃକ୍ଷର ଖୁବ ମହତ୍ୱ ରହିଛି। ଏପରି ମଧ୍ୟ ମାନ୍ୟତା ରହିଛି ପାରିଜାତ ଫୁଲକୁ ଛୁଇଁ ଦେବା ମାତ୍ରେ ବ୍ୟକ୍ତିଙ୍କର ସମସ୍ତ ଥକ୍କାପଣ ଦୂର ହୋଇଯାଏ।
ପାରିଜାତ ବୃକ୍ଷର ଉଚ୍ଚତା ୧୦ ରୁ ୨୫ ଫିଟ ଯାଏଁ ହୋଇଥାଏ। ଏହି ଗଛର ଅନ୍ୟ ଏକ ବିଶେଷତ୍ୱ ହେଉଛି ଏଥିରେ ଅଧିକ ମାତ୍ରାରେ ଫୁଲ ହୋଇଥାଏ। ଗୋଟିଏ ଦିନରେ ଏହାର ଯେତେ ଫୁଲ ମଧ୍ୟ ତୋଳାଗଲେ ପର ଦିନ ମଧ୍ୟ ଫୁଲ ହୋଇଥାଏ।
ସାରା ଦୁନିଆରେ ଏହି ଫୁଲର ୫ ପ୍ରଜାତି ରହିଛି ବୋଲି କୁହାଯାଉଛି। ମା’ଲକ୍ଷ୍ମୀଙ୍କୁ ମଧ୍ୟ ଏହି ଫୁଲ ପ୍ରିୟ, ତେଣୁ ଏହି ଫୁଲକୁ ମା’ଙ୍କ ପୂଜାରେ ବ୍ୟବହାର କଲେ ସେ ଖୁବ ପ୍ରସନ୍ନ ହୋଇଥାଆନ୍ତି।
ମାନ୍ୟତା ଅନୁଯାୟୀ, ପାରିଜାତ ବୃକ୍ଷର ଉତ୍ପତି ସମୁଦ୍ର ମନ୍ଥନରୁ ହୋଇଛି। ଯାହାକୁ ଇନ୍ଦ୍ରଦେବ ନିଜ ବାଟିକାରେ ଲଗାଇଥିଲେ।
ଏହି ବୃକ୍ଷର ଖୁବ ଔଷଧୀୟ ଗୁଣ ମଧ୍ୟ ରହିଛି।
ଅଯୋଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ ଲଗାଇବେ ପାରିଜାତ ବୃକ୍ଷ; ଜାଣନ୍ତୁ ଏହାର ପୌରାଣିକ ମହତ୍ୱ
Popular Categories
Previous article
Next article