ଧର୍ମଶାଳା .- ହିମାଚଳ ପ୍ରଦେଶରେ ପାରାଗ୍ଲାଇଡିଂ କରୁଥିବା ସମୟରେ ନିଖୋଜ ହୋଇଯାଇଥିବା ସିଙ୍ଗାପୁରର ପାରାଗ୍ଲାଇଡର କୋକ୍ ଚାଙ୍ଗଙ୍କ ମୃତଦେହକୁ ଉଦ୍ଧାର କରାଯାଇଛି । ତାଙ୍କ ସହ ନିଖୋଜ ହୋଇଯାଇଥିବା ସ୍ପେନୀୟ ପାରାଗ୍ଲାଇଡରଙ୍କ ସନ୍ଧାନ ମିଳିଛି । କୋକ୍ ସିଙ୍ଗ ପୂର୍ବରୁ ସିଙ୍ଗାପୁର ସେନାରେ କମାଣ୍ଡର ଥିଲେ । ସେ ହିମାଚଳ ପ୍ରଦେଶର ଉତ୍ରଲା ଅଞ୍ଚଳରେ ପାରାଗ୍ଲାଇଡିଂ କରୁଥିବା ବେଳେ ଦୁର୍ଘଟଣାର ଶିକାର ହୋଇଥିଲେ । ଅକ୍ଟୋବର ୨୭ ତାରଖରେ ଆରମ୍ଭ ହେବାକୁ ଥିବା ବିଶ୍ୱ ପାରାଗ୍ଲାଇଡିଂ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ସେ ଆସିଥିଲେ । ଼
ସେହିପରି ନିଖୋଜ ହୋଇଯାଇଥିବା ସ୍ପେନୀୟ ପାରାଗ୍ଲାଇଡର ଜୋସ୍ ଲୁଇସ୍ଙ୍କର ସନ୍ଧାନ ମିଳିଛି । ବନ୍ଦଲା ହିଲ୍ସ ପାଲାମପୁରରେ ତାଙ୍କର ସନ୍ଧାନ ମିଳିଛି । ତାଙ୍କ ପାଇଁ ହେଲିକପ୍ଟରରୁ ଖାଦ୍ୟ ଓ ଗରମ ପୋଷାକ ତଳକୁ ପକାଯାଇଛି । ବୁଧବାରରେ ତାଙ୍କ ଉଦ୍ଧାର କରାଯିବ । ଏହା ସହ ଋଷ୍ ଓ ଲାଟିଭିଆନ୍ ପାରାଗ୍ଲାଇଡର ଆହତ ହୋଇଛନ୍ତି । ଏହାପରେ ସେଠାରେ ବିଶ୍ୱ ପାରାଗ୍ଲାଇଡିଂ ଚାମ୍ପିୟନସିପ୍ ଅନୁଷ୍ଠିତ ହେବା ନେଇ ଅନିଶ୍ଚିତତା ଦେଖାଦେଇଛି ।