ଡେସ୍କ: ଭଦୋଦରାର କୋଟାମ୍ବି ଷ୍ଟାଡିୟମରେ ଚାଲିଥିବା ୩ ମ୍ୟାଚ୍ ବିଶିଷ୍ଟ ଆଇସିସି ଚାମ୍ପିୟନଶିପ୍ ଶୃଙ୍ଖଳାର ଦ୍ବିତୀୟ ଦିନିକିଆରେ ୱେଷ୍ଟଇଣ୍ଡିଜକୁ ଭାରତ ୩୫୯ ରନର ଟାର୍ଗେଟ୍ ଦେଇଛି। ପ୍ରଥମେ ବ୍ୟାଟିଂ କରି ଭାରତ ନିର୍ଦ୍ଧାରିତ ୫୦ ଓଭରରେ ୫ ଓ୍ଵିକେଟ୍ ହରାଇ ୩୫୮ ରନ୍ କରିଥିଲା। ଭାରତୀୟ ଇନିଂସରେ ହର୍ଲିନ ଦେଓଲ ୧୧୫ ରନ୍ କରି ଅଗ୍ରଣୀ ହାସଲ କରିଥିବା ବେଳେ ପ୍ରତୀକ୍ଷା ରାଓ୍ଵଲ ୭୬ ରନ୍ କରିଥିଲେ। ୱେଷ୍ଟଇଣ୍ଡିଜ୍ ପକ୍ଷରୁ ଆଫି ଫ୍ଲେଚର, କିଆନା ଜୋସେଫ୍, ଡିଆଣ୍ଡ୍ରା ଡୋଟିନ୍ ଓ ଜାଇଦା ଜେମ୍ସ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ରବିବାର ସେହି ପଡ଼ିଆରେ ଖେଳାଯାଇଥିବା ପ୍ରଥମ ଦିନିକିଆରେ ଭାରତ ୨୧୧ ରନରେ ୱେଷ୍ଟଇଣ୍ଡିଜକୁ ପରାସ୍ତ କରିଛି। ଏହି ଶୃଙ୍ଖଳାରେ ଆୟୋଜକ ଦଳ ନଭି ମୁମ୍ବାଇରେ ୱେଷ୍ଟଇଣ୍ଡିଜ୍ ବିପକ୍ଷ ଟି-୨୦ ଅନ୍ତର୍ଜାତୀୟ ଶୃଙ୍ଖଳାକୁ ୨-୧ରେ ଜିତି ନିଜର ଧାରା ବଜାୟ ରଖିବାକୁ ଲକ୍ଷ୍ୟ ରଖିଛି।
Comments are closed.