ସମାଜ ଡିଜିଟାଲ ଡେସ୍କ: ଲିଡ୍ସରେ ଚାଲିଥିବା ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚରେ ଭାରତ ଦୃଢ଼ ସ୍ଥିତିରେ ରହିଛି। ୨ୟ ଦିନ ଖେଳ ଜାରି ରହିଥିବାବେଳେ ଭ୍ରମଣକାରୀ ଦଳ ୫ ଉଇକେଟ ହରାଇ ୪୪୯ ରନ ସଂଗ୍ରହ କରିଛି। ୧୦୫ ଓଭରରେ ଦଳ ଏହି ରନ୍ ସଂଗ୍ରହ କରିଥିବାବେଳେ ରୁଷଭ ପନ୍ତ ଶତକ( ହାସଲ କରି ଦଳକୁ ବଡ଼ ସ୍କୋର ଅଭିମୁଖେ ଆଗେଇ ନେଇଛନ୍ତି। ତେବେ ଶତକ ହାସଲ ପରେ ପନ୍ତ ପଡ଼ିଆରେ ଓଲଟା ଶୂନ୍ୟ ମାରି ଉତ୍ସବ ମନାଇଥିଲେ।
ଇଂଲଣ୍ଡ ଟସ୍ ଜିତିବା ପରେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଯଶସ୍ଵୀ ଜୟସଓ୍ବାଲ ଏବଂ କେ.ଏଲ. ରାହୁଲ ଇନିଂସ ଓପନ କରିଥିଲେ। ଜୟସଓ୍ବାଲଙ୍କ ଶତକୀୟ ଇନିଂସ ଏବଂ ରାହୁଲଙ୍କ ୪୨ ରନର ଯୋଗଦାନ ଦଳର ସ୍ଥିତିକୁ ମଜଭୁତ କରିଥିଲା। ୧୦୧ ରନ କରି ଜୟସଓ୍ବାଲ ଆଉଟ ହେବା ପରେ ଅଧିନାୟକ ଶୁବମନ ଗିଲ୍ ଭଲ ପ୍ରଦର୍ଶନ କରି ୧୪୭ କରି ଦଳର ସ୍କୋରକୁ ଆଗେଇ ଦେଇଥିଲେ। ଦଳର ସ୍କୋର ୪୩୦ ରନ ହୋଇଥିବାବେଳେ ୪ର୍ଥ ଉଇକେଟ ଭାବେ ଗିଲ୍ ଆଉଟ୍ ହୋଇଯାଇଥିଲେ। ୬ଷ୍ଠ ଉଇକେଟ ଯୋଡ଼ିରେ ପନ୍ତ ୧୩୧ ଏବଂ ରବୀନ୍ଦ୍ର ଜାଡ଼େଜା ୧ ରନ କରି ଖେଳୁଛନ୍ତି।
