ନୂଆଦିଲ୍ଲୀ ..- ପୁଲୁଓ୍ୱାମା ଆକ୍ରମଣ ପରେ ପାକିସ୍ତାନକୁ ଭାରତରୁ ଟମାଟୋ ରପ୍ତାନୀ ବନ୍ଦ କରାଯାଇଛି । ଏହାପରେ ପାକିସ୍ତାନର ଟମାଟୋ ବଜାରରେ ଯେପରି ନିଆଁ ଲାଗିଯାଇଛି । ଏବେ ପାକିସ୍ତାନରେ ଟମାଟୋ କିଲୋକୁ ୧୫୦ରୁ ୧୮୦ ଟଙ୍କାରେ ବିକ୍ରି ହେଉଛି । ଟମାଟୋ ପାଇଁ ପାକିସ୍ତାନ ଗଣମାଧ୍ୟମରେ ଯୁଦ୍ଧ କରିବା ପାଇଁ ଅନେକ ମତ ଦେଇଛନ୍ତି । ପାକିସ୍ତାନରେ ଅନେକ ଲୋକ ପାନ ଖାଉଥିବା ବେଳେ ମଧ୍ୟ ପ୍ରଦେଶର ଛତରପୁରରୁ ପ୍ରଚୁର ପରିମାଣରେ ପାନ ପାକିସ୍ତାନକୁ ରପ୍ତାନୀ ହୋଇଥାଏ । ଏବେ ଏଠାକାର ଚାଷୀ ପାକିସ୍ତାନକୁ ପାନ ରପ୍ତାନୀ ବନ୍ଦ କରି ଦେଇଛନ୍ତି ।
ଛତରପୁରରେ ପ୍ରଚୁର ପରିମାଣରେ ପାନ ଉତ୍ପାଦନ ହୋଇଥାଏ । ଏଠାରୁ ପାନ ପାକିସ୍ତାନକୁ ରପ୍ତାନୀ କରାଯାଏ । ପାକିସ୍ତାନକୁ ପାନ ରପ୍ତାନୀ ବନ୍ଦ ହେଲେ ଚାଷୀମାନଙ୍କର ୧୩ରୁ ୧୫ ଲକ୍ଷ ଟଙ୍କା କ୍ଷତି ହେବ । ହେଲେ ଦେଶପାଇଁ ଏହି ଲାଭ ଦରକାର ନାହିଁ ବୋଲି ପାନ ଚାଷୀମାନେ କହିଛନ୍ତି । ଏଠାରେ ଥିବା ପାନ ଚାଷୀ ସଂଘ ପକ୍ଷରୁ ଆମ ସରକାର ପାକିସ୍ତାନକୁ ପାଣି ବନ୍ଦ କରିବା ପାଇଁ ନିଷ୍ପତ୍ତି ନେଇଥିବା ବେଳେ ଆମେ ପାନ ବନ୍ଦ କରିଦେବୁ ବୋଲି କୁହାଯାଇଛି ।
