ପାକିସ୍ତାନର ଖ୍ୟାତନାମା ବୈଜ୍ଞାନିକ ଅବଦୁଲ କାଦିର ଖାନଙ୍କର ୮୫ ବର୍ଷ ବୟସରେ ପରଲୋକ ଘଟିଛି। ପାକିସ୍ତାନର ପରମାଣୁ କାର୍ଯ୍ୟକ୍ରମର ଜନକ ଭାବରେ ପରିଚିତ ବୈଜ୍ଞାନିକ ଅବଦୁଲ କାଦିର ଖାନଙ୍କ ଫୁସଫୁସ କାର୍ଯ୍ୟ କରିବା ବନ୍ଦ କରିଦେବା ଫଳରେ ତାଙ୍କର ଦେହାନ୍ତ ହୋଇଛି ବୋଲି ଗଣମାଧ୍ୟମ ସୂଚନା ଦେଇଛି। ଜିଓ ଟିଭି ନ୍ୟୁଜ୍ ଚ୍ୟାନେଲ ଅନୁଯାୟୀ, ଶନିବାର ରାତିରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ତାଙ୍କୁ ଇସଲାମାବାଦର କେଆରଏଲ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ସମ୍ବାଦ ସରବରାହ ସଂସ୍ଥା ୟୁଏନଆଇ ଅନୁଯାୟୀ, ବୈଜ୍ଞାନିକ ଖାନ ନିଶ୍ୱାସ ନେବାରେ ଅସୁବିଧା ଅନୁଭବ କରିବା ପରେ ଡାକ୍ତରଖାନାରେ ଭର୍ତ୍ତି ହୋଇଥିଲେ। ତେବେ ଫୁସଫୁସରେ ରକ୍ତସ୍ରାବ ଆରମ୍ଭ ହେବା ପରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଆହୁରି ଖରାପ ହୋଇଯାଇଥିଲା ବୋଲି ନ୍ୟୁଜ ଆଉଟଲେଟରେ ଦର୍ଶାଯାଇଛି। ୧୯୯୮ ମେ’ ମାସରେ ପାକିସ୍ତାନ ଆଣବିକ ପରୀକ୍ଷଣ କରିବା ପରେ ଅବଦୁଲ କାଦିର ଖାନ ଆନ୍ତର୍ଜାତିକ ସ୍ଥରରେ ପରିଚିତି ପାଇଥିଲେ।
Comments are closed.