ଇସଲାମାବାଦ: ଜାତୀୟ ଆସେମ୍ବ୍ଲି ଏବଂ ପ୍ରାଦେଶିକ ବିଧାନସଭାରେ ଖାଲିପଡିଥିବା ଆସନ ପାଇଁ ଏପ୍ରିଲ ୨୧ରେ ଉପନିର୍ବାଚନ ଅନୁଷ୍ଠିତ ହେବ ବୋଲି ଗୁରୁବାର ପାକିସ୍ତାନ ନିର୍ବାଚନ କମିସନ ପକ୍ଷରୁ ଘୋଷଣା କରାଯାଇଛି। ସୂଚନା ମୁତାବକ, ଜାତୀୟ ଆସେମ୍ବ୍ଲିର ୬ଟି ଏବଂ ପ୍ରାଦେଶିକ ବିଧାନସଭାରେ ୧୪ଟି ଆସନ ଖାଲି ପଡିଛି। ମାର୍ଚ୍ଚ ୧୬ରୁ ୧୮ ପର୍ଯ୍ୟନ୍ତ ପ୍ରାର୍ଥିପତ୍ର ଦାଖଲ ସମୟସୀମା ଧାର୍ଯ୍ୟ କରାଯାଇଛି। ମାର୍ଚ୍ଚ ୨୧ରେ ପ୍ରାର୍ଥିପତ୍ର ଯାଞ୍ଚ କରାଯାଇ ଚୂଡାନ୍ତ ତାଲିକା ପ୍ରକାଶ କରାଯିବ। ପିପିପି ନେତା ଆସିଫ ଅଲ୍ଲୀ ଜର୍ଦାରୀ ରାଷ୍ଟ୍ରପତି ନିର୍ବାଚିତ ହେବାପରେ ଖାଲି ପଡିଥିବା ଜାତୀୟ ଆସେମ୍ବ୍ଲି ଆସନରୁ ତାଙ୍କ କନ୍ୟା ଆସିଫା ଭୁଟ୍ଟୋ ପ୍ରତିଦ୍ବନ୍ଦ୍ବିତା କରିବେ ବୋଲି ଜଣାପଡିଛି।
ଅପରପକ୍ଷରେ ପାକିସ୍ତାନ ପାର୍ଲାମେଣ୍ଟର ଉଚ୍ଚ ସଦନ ସିନେଟରେ ଖାଲିପଡିଥିବା ୬ଟି ଆସନ ପାଇଁ ଉପନିର୍ବାଚନ ଜରିଆରେ ଗୁରୁବାର ଭୋଟଗ୍ରହଣ କରାଯାଇଛି। ଫେବୃଆରୀ ୮ରେ ପାକିସ୍ତାନରେ ସାଧାରଣ ନିର୍ବାଚନ ଅନୁଷ୍ଠିତ ହୋଇଥିବାବେଳେ ପିଏମଏଲ-ଏନ୍ ନେତା ଶେହବାଜ ସରିଫ ପ୍ରଧାନମନ୍ତ୍ରୀ ନିର୍ବାଚିତ ହୋଇଛନ୍ତି।
Comments are closed.