ଫାଙ୍କି ଦେଲା ପାକିସ୍ତାନ: ‘ଆମକୁ ବଦନାମ କରନି’

0

ଇସଲାମାବାଦ : ଆତଙ୍କବାଦ ପ୍ରସଙ୍ଗରେ ପାକିସ୍ତାନ ଅପରିବର୍ତ୍ତିତ ରହିଛି। ପ୍ରତ୍ୟେକ ଆତଙ୍କବାଦୀ ଆକ୍ରମଣକୁ ଫାଙ୍କି ଆସିଥିବା ପାକିସ୍ତାନ ପୁଲୱାମା ଘଟଣାକୁ ମଧ୍ୟ ଫାଙ୍କିଦେଇଛି। ପୁଲୱାମା ଆକ୍ରମଣ ଘଟଣାର ପ୍ରାୟ ୨୪ଘଣ୍ଟା ପରେ ଏହି ପଡ଼ୋଶୀ ତଥା ଅଭିଯୁକ୍ତ ରାଷ୍ଟ୍ର ପ୍ରଥ​‌େ​‌ମ ପ୍ରତିକ୍ରିୟା ପ୍ରକାଶ ପୂର୍ବକ ‘ଏହା ଚିନ୍ତାଜନକ’ ବୋଲି କହିଛି। ଏହି ଘଟଣାରେ ପାକିସ୍ତାନର କୌଣସି ସମ୍ପୃକ୍ତି ନ ଥିବାରୁ ଏହାକୁ ବଦନାମ କରା ନ ଯିବା ଉଚିତ ବୋଲି କହିଛି। ଶୁକ୍ରବାର ପାକିସ୍ତାନ ସରକାରଙ୍କ ପକ୍ଷରୁ ପ୍ରକାଶିତ ପ୍ରତିକ୍ରିୟାରେ କୁହାଯାଇଛି ଯେ ସରକାର ସର୍ବଦା ବିଶ୍ବର ଯେ କୌଣସି ସ୍ଥାନରେ ଏଭଳି ହିଂସାକୁ ନିନ୍ଦା କରିଆସିଛନ୍ତି। ପୁଲୱାମା ଘଟଣାରେ ପାକିସ୍ତାନର ସମ୍ପୃକ୍ତିକୁ ନେଇ ଭାରତୀୟ ଗଣମାଧ୍ୟମ ଓ ସରକାର ଯେଉଁ ପ୍ରଚାର ଚଳାଇଛନ୍ତି ତାହା ବିଭ୍ରାନ୍ତିକର। ବିନା କୌଣସି ତଦନ୍ତରେ ଏଭଳି ଦୋଷାରୋପ କରିବା ଓ ଗୋଟିଏ ରାଷ୍ଟ୍ରକୁ ଅଯଥା ବଦନାମ କରିବା ଅନୁଚିତ।

Leave A Reply