ଆଠଗଡ: ଆଠଗଡ ନୂଆ ଆଙ୍କୁଲା ଛକ ପେଟ୍ରୋଲ ପମ୍ପ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି। ଭାରସାମ୍ୟ ହରାଇ ଏକ ଟ୍ରକ୍ ରାସ୍ତାକଡକୁ ଓଲଟିପଡିଛି। ଫଳରେ ଘଟଣାସ୍ଥଳରେ ଡ୍ରାଇଭରଙ୍କର ମୃତ୍ୟୁ ଘଟିଛି । ଏଥିରେ ଗୁରୁତର ହୋଇଥିବା ହେଲପରଙ୍କୁ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି। ସୂଚନା ମୂତାବକ ଟ୍ରକଟି ପାରାଦୀପରୁ କୋଇଲା ନେଇ ଟାଙ୍ଗୀ ଚୌଦ୍ବାରରେ ଖଲାସ କରି ଲୁହାପଥର ନେଇ ଢେଙ୍କାନାଳ ଯିବା କଥା । କିନ୍ତୁ ମାଲିକଙ୍କ ଅଗୋଚରରେ ଚାଳକ ଜଣକ ଗାଡିରେ ଚୂନ ପଥର ବୋଝେଇ କରି ନରସିଂହପୁର ଆଡକୁ ଯାଉଥିବାବେଳେ ଆଙ୍କୁଲା ପେଟ୍ରୋଲ ପମ୍ପ ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା। ଦୁର୍ଘଟଣାରେ ଡ୍ରାଇଭର ଜଣଙ୍କର ମୃତ୍ୟୁ ହୋଇଥିବାବେଳେ ହେଲପର ଜଣକ ଗୁରୁତର ଆହତ ହୋଇଥିଲେ। ତାଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଥିଲା। ପରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article