ତେଲକୋଇ : ସାପ କାମୁଡାରେ ୧୨ ବର୍ଷର ନାବାଳିକା ଛାତ୍ରୀଙ୍କ ମୃତ୍ୟୁ ଘଟିଥିବା ଜଣାପଡିଛି । ମୃତକ ହେଲେ ଡିମିରିମୁଣ୍ଡା ଗାଁର ହୃଦାନନ୍ଦ ପ୍ରଧାନଙ୍କ ଝିଅ ଶ୍ରୀୟା ପ୍ରଧାନ (୧୨) । ଗତକାଲି ବିଳମ୍ବିତ ରାତି ୪ଟା ରେ ଘର ଚଟାଣ ଉପରେ ଶୋଇଥିବା ବେଳେ ଶ୍ରୀୟାକୁ ବିଷାକ୍ତ ସାପ କାମୁଡି ଦେଇଥିଲା। ପରିବାର ଲୋକେ ଆମ୍ବୁଲାନ୍ସକୁ ଫୋନ କରିଥିଲେ । ପରିବାର ଲୋକଙ୍କ କହିବା ଅନୁଯାୟୀ ଆମ୍ବୁଲାନ୍ସକୁ ଅପେକ୍ଷା କରି ନ ଆସିବାରୁ ଅଟୋ ଯୋଗେ ସକାଳ ସାତଟା ବେଳେ ଶ୍ରୀୟା କୁ ତେଲକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପରିବାର ଲୋକ ଆଣି ଥିଲେ । ସେତେବେଳକୁ ବିଳମ୍ବ ହୋଇ ଯାଇଥିଲା। ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Comments are closed.