ପାଟଣା : କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ଢେଙ୍କିକୋଟ ପଞ୍ଚାୟତ ଟିକିରା ଗ୍ରାମ ଶିବ ମନ୍ଦିର ନିକଟରେ ଜଣେ ନାବାଳିକା ହତ୍ୟାକାଣ୍ଡ ଘଟଣାରେ ତିନି ବର୍ଷ ପରେ ମୁଖ୍ୟ ଅପରାଧୀକୁ ଗିରଫ କରାଯାଇଛି ବୋଲି ଘଟଗାଁ ଆରକ୍ଷୀ ସୂଚନା ଦେଇଛି। ସୂଚନାନୁଯାୟୀ ଘଟଗାଁ ବ୍ଲକ ନୁସୁରିପଶି ଗ୍ରାମର ଦଶରଥ ପଲେଇ ଓ ରାଧାରାଣୀ ପଲେଇଙ୍କ ଝିଅ ଗତ ୨୦୧୮ ମସିହା ରେ ମାମୁଁ ଘର ଗ୍ରାମ ଟିକିରା କୁ ଯାଇଥିବା ବେଳେ ତା୬/୯/୨୦୧୮ ଦିନ ଗ୍ରାମ ର ଶିବ ମନ୍ଦିର ପଛ ପାର୍ଶ୍ଵ ଏକ ଆକାଶିଆ ଗଛରେ ତାର ଝୁଲନ୍ତା ମୃତ ଦେହ ଉଦ୍ଧାର ହୋଇଥିଲା ।
ଏନେଇ ମୃତ ନାବାଳିକାର ବାପା ଦଶରଥ ପଲେଇ ଙ୍କ ଲିଖିତ ଅଭିଯୋଗ କ୍ରମେ ଘଟଗାଁ ଥାନାରେ ତଦନ୍ତ ଆରମ୍ଭ କରି ୩ ଜଣଙ୍କୁ ଥାନାକୁ ଡାକି ଜେରା ପରେ ଛାଡି ଦିଆଯାଇଥିଲା। ପୁନଶ୍ଚ ସେହି ବର୍ଷ ୪ ମାସ ପରେ ମୃତକଙ୍କ ବାପା ଜିଲ୍ଲା ଏସପି ଙ୍କୁ ଏହାର ଉପଯୁକ୍ତ ତଦନ୍ତ ପାଇଁ ନିବେଦନ କରିଥିଲେ । ଆଇପିସି ଧାରା ୩୦୨, ୨୦୧ ଓ ୩୪ ଅନୁଯାୟୀ ଏହାର ତଦନ୍ତ ଭାର ଘଟଗାଁ ଥାନା ଏସ ଆଇ ରୀନା ରାଣୀ ସାହୁ ଙ୍କୁ ତଦନ୍ତପାଇଁ ଦିଆଯିବା ପରେ ପୁରୁଣା ଫାଇଲକୁ ପୁନର୍ବାର ଖୋଳିବା ସହ ତଦନ୍ତ ଆରମ୍ଭ କରି ଟିକିରା ଗ୍ରାମ ର ମନ୍ଦିର ପୂଜକ ଙ୍କ ପୁଅ ଚଗୁଲୁ ଶତପଥୀ ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ତେବେ ମୃତ ନାବାଳିକା ଙ୍କ ପରିବାର ପକ୍ଷରୁ ଅନ୍ୟ ଅପରାଧୀ ମାନଙ୍କୁ ଗିରଫ କରିବା ପାଇଁ ଦାବି ଉଠାଇଥିବା ବେଳେ ,ଖୁବ ଶୀଘ୍ର ଅନ୍ୟ ସଂପୃକ୍ତ ଙ୍କୁ ଗିରଫ କରାଯିବ ବୋଲି ଥାନା ପକ୍ଷରୁ ସୂଚନା ମିଳିଛି।
ନାବାଳିକା ହତ୍ୟାକାଣ୍ଡ ଘଟଣା ; ତିନି ବର୍ଷ ପରେ ଜଣେ ଗିରଫ
Popular Categories
Previous article
Next article