ବେଙ୍ଗାଲୁର – କର୍ଣ୍ଣାଟକରେ ଉପଭୋକ୍ତାମାନଙ୍କୁ ପ୍ରଥମ ୨୦୦ ୟୁନିଟ୍ ମାଗଣା ଦିଆଯିବ ବୋଲି ନିର୍ବାଚନ ପୂର୍ବରୁ କଂଗ୍ରେସ ଘୋଷଣା କରିଥିଲା । ଜିତିବା ପରେ ଲୋକଙ୍କୁ ମାଗଣା ଘୋଷଣାକୁ କାର୍ଯ୍ୟକାରୀ କରାଯାଇଥିଲା । ହେଲେ ୨୦୦ ୟୁନିଟ ପରେ ପ୍ରତି ୟୁନିଟ ଦର କର୍ଣ୍ଣାଟକ ସରକାର ବୃଦ୍ଧି କରିଛନ୍ତି । ୟୁନିଟ୍ ପ୍ରତି ୨.୮୯ ପଇସା ବୃଦ୍ଧି କରାଯାଇଛି । ସମସ୍ତ ଘରୋଇ ଉପଭୋକ୍ତାଙ୍କୁ ମାଗଣା ୨୦୦ ୟୁନିଟ ବିଦ୍ୟୁତ ଦିଆଯିବ ।
ବିଦ୍ୟୁତ୍ ଦର ବୃଦ୍ଧି ପରେ ଏହା କର୍ଣ୍ଣାଟକ ସରକାରଙ୍କର ନୁହେଁ ରାଜ୍ୟ ବିଦ୍ୟୁତ ନିୟାମକ କମିଶନଙ୍କ ନିଷ୍ପତ୍ତି ବୋଲି ମୁଖ୍ୟମନ୍ତ୍ରୀ ସିଦ୍ଧରମେୟା ସଫେଇ ଦେଇଛନ୍ତି । ବିଦ୍ୟୁତ ଦର ବୃଦ୍ଧି ପରେ ରାଜ୍ୟ ବିଜେପି ପକ୍ଷରୁ କର୍ଣ୍ଣାଟକ ସରକାରଙ୍କୁ ସମାଲୋଚନା କରାଯାଇଛି । ନିର୍ବାଚନ ପାଇଁ କଂଗ୍ରେସ ଏପରି ଲୋଭନୀୟ ପ୍ରତିଶ୍ରୁତି ଦେଇ ଲୋକଙ୍କ ବିଶ୍ୱାସ ସହ ଖେଳିଥିବା କଥା କର୍ଣ୍ଣାଟକ ବିଜେପି କହିଛି ।
