ଭାରତ ମାନବାଧିକାର ହାଇକମିଶନରଙ୍କୁ ଆତଙ୍କବାଦର ମାନବାଧିକାର ଉପରେ ପଡ଼ୁଥିବା ନକାରାତ୍ମକ ପ୍ରଭାବକୁ ନେଇ ଏକ ଉତ୍ତମ ବୁଝାମଣାର ବିକାଶ କରିବାକୁ ଅନୁରୋଧ କରିଛି। ଭାରତ କହିଛି ଯେ ହାଇକମିଶନରଙ୍କ ମୁଖପାତ୍ରଙ୍କ ଦ୍ୱାରା ଜାମ୍ମୁ କାଶ୍ମୀରର କିଛି ନିର୍ଦ୍ଦିଷ୍ଟ ଘଟଣା ଉପରେ ସୁରକ୍ଷା ବାହିନୀଗୁଡ଼ିକ ବିରୁଦ୍ଧରେ ଦିଆଯାଇଥିବା ମନ୍ତବ୍ୟ ଭିତ୍ତିହୀନ ଓ ଅମୂଳକ ଅଟେ।
ସରକାରୀ ମୁଖପାତ୍ର ଅରିନ୍ଦମ ବାଗ୍ଚୀ କହିଛନ୍ତି ଏଥିରୁ ଭାରତ ସମ୍ମୁଖୀନ ହେଉଥିବା ନିରାପତ୍ତା ପ୍ରତିବନ୍ଧକ ଗୁଡ଼ିକ ବିଷୟରେ ହାଇକମିଶନରଙ୍କ କାର୍ଯ୍ୟାଳୟ ସମ୍ପୂର୍ଣ୍ଣ ଅବଗତ ନୁହଁନ୍ତି ବୋଲି ଜଣାପଡ଼ୁଛି। ସେ କହିଛନ୍ତି ସୀମା ପାର ଆତଙ୍କବାଦ ଓ ମୌଳିକ ଅଧିକାର ଉପରେ ଏହାର ପ୍ରଭାବ ଯୋଗୁଁ ଦେଶ ପାଇଁ ନିରାପତ୍ତା ସମସ୍ୟା ସୃଷ୍ଟି ହେଉଛି। ଏହା ଜାମ୍ମୁ କାଶ୍ମୀରର ଜନସାଧାରଣଙ୍କ ବଞ୍ଚିବାର ଅଧିକାର ପ୍ରତି ମଧ୍ୟ ଏହା ଅସମ୍ମାନଜନକ ପରିସ୍ଥିତି ସୃଷ୍ଟି କରୁଛି ବୋଲି ସେ କହିଛନ୍ତି।
ଶ୍ରୀ ବାଗ୍ଚୀ କହିଛନ୍ତି, ଆତଙ୍କବାଦୀ ସଂଗଠନଗୁଡ଼ିକୁ ସଶସ୍ତ୍ର ବାହିନୀ କହିବା କମିଶନଙ୍କର ପକ୍ଷପାତ ମୂଳକ ଆଭିମୁଖ୍ୟକୁ ସ୍ପଷ୍ଟ କରୁଛି। ସେ କହିଛନ୍ତି ଏକ ଗଣତାନ୍ତ୍ରିକ ରାଷ୍ଟ୍ର ଭାବେ ଭାରତ ଏହାର ନାଗରିକମାନଙ୍କର ମାନବିକ ଅଧିକାରକୁ ସୁରକ୍ଷା ପ୍ରଦାନ କରିବା ହେଉଛି ଏହାର ପ୍ରଧାନ ଦାୟିତ୍ୱ ଓ ସେ ଦୃଷ୍ଟିରୁ ସୀମାପାର ସନ୍ତ୍ରାସବାଦର ମୁକାବିଲା କରିବା ଅପରିହାର୍ଯ୍ୟ।
