ଭୁବନେଶ୍ୱର : ଆଗାମୀ ଦୁଇବର୍ଷ ଭିତରେ ଏକ ହଜାର ନୂଆ ବସ୍ ଓଡ଼ିଶା ରାଜ୍ୟ ସଡକ ପରିବହନ ନିଗମ (ଓଏସ୍ଆରଟିସି) କିଣିବ। ଦୀର୍ଘବର୍ଷ ହେଲା ବସ୍ କିଣା ଯାଇ ନଥିବାରୁ ବସର ଆବଶ୍ୟକତା ରହିଛି। ପ୍ରାଥମିକ ପର୍ଯ୍ୟାୟରେ ୧୭୦ ବସ୍ କିଣିବା ପାଇଁ ଓଏସ୍ଆରଟିସି ପକ୍ଷରୁ ଅଶୋକ ଲିଲାଣ୍ଡ କମ୍ପାନୀକୁ ଟେଣ୍ଡର ଦିଆଯାଇଛି। କମ୍ପାନୀ ଆସନ୍ତା ବର୍ଷ ମେ ମାସ ସୁଦ୍ଧା ବସ୍ଗୁଡ଼ିକୂୁ ଓଏସଆରଟିସି କର୍ତ୍ତୃପକ୍ଷଙ୍କୁ ହସ୍ତାନ୍ତର କରିବ ବୋଲି ଓଏସଆରଟିସି ପକ୍ଷରୁ ସୂଚନା ଦିଆଯାଇଛି।
ସମସ୍ତ ଜିଲାମୁଖ୍ୟାଳୟ ସହିତ ଜିଲାର ବିଭିନ୍ନ ସ୍ଥାନକୁ ଚଳାଚଳ କରିବା ପାଇଁ ପ୍ରାଥମିକ ପର୍ଯ୍ୟାୟରେ ୬୩ କୋଟି ଟଙ୍କା ବ୍ୟୟରେ ୧୭୦ ବସ୍ କିଣାଯିବ। କମ୍ପାନୀ ୨୦୨୧ ମେ ମାସ ମଧ୍ୟରେ ବସ୍ ଦେବ। ଆସନ୍ତା ୨ବର୍ଷ ଭିତରେ ୧୦୦୦ ବସ୍ କିଣିବା ପାଇଁ ଓଏସଆରଟିସିକୁ ନିର୍ଦେଶ ଦିଆଯାଇଛି। ଏଥିପାଇଁ ସରକାର ଆର୍ଥିକ ଅନୁଦାନ ପ୍ରଦାନ କରିଛନ୍ତି। କେବଳ ଓଏସଆରଟିସି ଟେଣ୍ଡର ଡାକି ବସ୍ କିଣିବ।
ଓଏସଆରଟିସିର ମହାପ୍ରବନ୍ଧକ ଦୀପ୍ତିମୟୀ ମହାପାତ୍ର କହିଛନ୍ତି, ଏକ ହଜାର ବସ୍ ପର୍ଯ୍ୟାୟକ୍ରମେ କିଣାଯିବ। ପ୍ରଥମ ପର୍ଯ୍ୟାୟରେ ୬୩ କୋଟି ଟଙ୍କା ଖର୍ଚ୍ଚ କରାଯିବ। ୨ବର୍ଷ ମଧ୍ୟରେ ସମସ୍ତ ବସ୍ କିଣିବା ପାଇଁ ଲକ୍ଷ୍ୟ ରଖାଯାଛି।
Comments are closed.