ଟିଟିଲାଗଡ଼ : ଟିଟିଲାଗଡ଼ ଉପଖଣ୍ଡ ଅଞ୍ଚଳରେ ବର୍ତ୍ତମାନ ଖରିଫ ଋତୁରେ ୟୁରିଆ ସାର ସରକାରୀ ଲାଇସେନ୍ସ ପ୍ରାପ୍ତ ଦୋକାନ ଗୁଡିକରୁ ଉଭାନ ହୋଇଯାଇଛି। ଗ୍ରାମାଞ୍ଚଳରେ କଳାବଜାରରେ ୨୬୫ ଟଙ୍କାର ୟୁରିଆ ବସ୍ତା ୧୦୦୦ ଟଙ୍କାରେ ଚୋରାରେ ବିକ୍ରୟ ହୋଇଛି। ତେବେ ଟିଟିଲାଗଡ଼ ହିନ୍ଦୁସ୍ତାନ ସିଡ଼ସ ସାର ଦୋକାନକୁ ସାର ଟ୍ରକ ଆସିଥିବା ଖବର ପାଇ ଆଜି ଭୋର ୩ଟାରୁ ପ୍ରାୟ ୩ ହଜାର ଚାଷୀଙ୍କ ଭିଡ଼ ଟ୍ରାଫିକ ଜାମ କରିଥିଲା। ଦୋକାନୀ ମାତ୍ର ୪୦୦ ବସ୍ତା ସାର ତାଙ୍କ ପାଖରେ ମହଜୁଦ ଥିବା କହିଛି । ତେବେ ସାର ବସ୍ତାଟିଏ ପାଇବା ପାଇଁ ଧାଁଦୌଡ ଠେଲାପେଲାରେ ଅନେକ ଲୋକ ତଳେ ପଡି ଆହତ ହୋଇଛନ୍ତି। ମହିଲାଙ୍କ ଚୁଡ଼ି ଭାଙ୍ଗିଛି, ଧାଁ ଦୌଡରେ ଅନେକଙ୍କ ଚପଲ ଛିଣ୍ଡି ପଡିଛି। ସ୍ଥାନୀୟ ପୁଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିବାକୁ ଉଦ୍ୟମ କରିଛି । ରିପୋର୍ଟ ଲେଖାଯିବା ସୁଦ୍ଧା ଅନେକ ଚାଷୀ ସାର ପାଇନଥିବା ନେଇ ସନ୍ଧ୍ୟା ୬. ୩୦ରୁ ହିନ୍ଦୁସ୍ତାନ ସିଡ଼ସ ଦୋକାନ ସମ୍ମୁଖରେ କଂଗ୍ରେସ ନେତା ବୀରେନ୍ଦ୍ର ବାଗଙ୍କ ନେତୃତ୍ୱରେ ଚାଷୀ ଟିଟିଲାଗଡ଼ ସହରର ମୁଖ୍ୟ ରାସ୍ତା ଅବରୋଧ କରିଛନ୍ତି ।
Popular Categories
Previous article
Next article