ଫୁଲବାଣୀ: ଗତ ତିନିଦିନ ଧରି ଓଏଏସ୍ ଏବଂ ଓଆରଏସ୍ ସଂଘ ପକ୍ଷରୁ ସାମୁହିକ ଛୁଟି କାରଣ ଯୋଗୁଁଁ ଅନେକ କାର୍ଯ୍ୟାଳୟରେ କାର୍ଯ୍ୟ ଏକ ପ୍ରକାର ଠପ୍ ହୋଇପଡ଼ିଥିଲା। ଗତକାଲି ବିଳମ୍ବିତ ରାତ୍ରରେ ସମସ୍ତ ସଂଘ ଆନ୍ଦୋଳନରୁ ଓହରି ଥିବା ବେଳେ ଆଜି ଫୁଲବାଣୀ ସମେତ ସମସ୍ତ ବ୍ଲକର ଓଏଏସ୍ ଓ ଓଆରଏସ୍ ଅଧିକାରୀ ମାନେ ନିଜ ନିଜ କାର୍ଯ୍ୟାଳୟରେ ଯୋଗଦେବା ପରେ ତିନିଦିନ ପରେ ସମସ୍ତ କାର୍ଯ୍ୟାଳୟ ଚଳ ପ୍ରଚଳ ହୋଇଥିବା ଦେଖାଯାଇଛି।
ଗତ ତିନିଦିନ ହେଲା ବିନା ଅଧିକାରୀରେ କର୍ମଚାରୀ ମାନେ କାର୍ଯ୍ୟ କରୁଥିଲେ ମଧ୍ୟ ହିତାଧିକାରୀ ମାନେ କୌଣସି ପ୍ରକାର ସୁବିଧା ପାଇ ପାରୁନଥିଲେ। ତେବେ ଆଜି ଅଧିକାରୀ ମାନେ କାର୍ଯ୍ୟରେ ଯୋଗଦେବା ପରେ ପୁଣିଥରେ କାର୍ଯ୍ୟାଳୟ ଗୁଡ଼ିକ ବେସ୍ ଚଳ ପ୍ରଚଳ ହୋଇପଡ଼ିଥିବା ଦେଖାଯାଇଛି।
