ଆଠଗଡ: ଆନ୍ତର୍ଜାତିକ ମହିଳା ଦିଵସ ଅବସରରେ ଆଠଗଡ ବିଜେଡି ପକ୍ଷରୁ ଏକ ବିଶାଳ ସମାବେଶ ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପରେ ଅନୁଷ୍ଠିତ ହୋଇଯାଇଛି। ଅପରାହ୍ନରେ ସହରର ପ୍ରବେଶ ପଥର ସାପୁଆ ପୋଲ ନିକଟରୁ ଏକ ବିଶାଳ ମହିଳା ଶୋଭାଯାତ୍ରା ବାହାରି ସହର ପରିକ୍ରମା କରି ବିଜୁ ପଟ୍ଟନାୟକ କଲ୍ୟାଣ ମଣ୍ଡପଠାରେ ପହଞ୍ଚଥିଲା। ସେଠାରେ ଆଠଗଡ ବ୍ଲକ ମହିଳା ବିଜେଡି ସଭାନେତ୍ରୀ ତଥା ଜିଲ୍ଲା ପରିଷଦ ସଭ୍ୟା ଶାନ୍ତିଲତା ବେହେରାଙ୍କ ସଂଯୋଜନାରେ ଏକ ସଭା ଅନୁଷ୍ଠିତ ହୋଇଥିଲା। ସଭାରେ ମୁଖ୍ୟଅତିଥି ରୂପେ ଆଇନଜୀବୀ ଆଦିତ୍ୟ ପ୍ରତାପ ସ୍ଵାଇଁ ଓ ମୁଖ୍ୟ ବ୍ୟକ୍ତା ଭାଵେ ଅଖିଳ ଭାରତ ଛାତ୍ର ସଂଘର ରାଜ୍ୟ ସଭାପତି ସଂଘମିତ୍ରା ଜେନା ଯୋଗ ଦେଇ ଉଦବୋଧନ ଦେଇଥିଲେ। ଅନ୍ୟମାନଙ୍କ ମଧ୍ୟରେ ରାଜ୍ୟ ମହିଳା ବିଜେଡି ଉପସଭାନେତ୍ରୀ ବାସନ୍ତୀ ରାଉଳ, ସାଧାରଣ ସଂମ୍ପାଦିକା ମିତା ରାଉତ, ଏନ୍ଏସି ଅଧ୍ୟକ୍ଷା ସସ୍ମିତା ରାଉତ, ପୂର୍ବତନ ଏନ୍ଏସି ଅଧ୍ୟକ୍ଷା ସୁବର୍ଣ୍ଣମଂଞ୍ଜରୀ ଭଞ୍ଜ, ଜିଲ୍ଲାପରିଷଦ ସଭ୍ୟା ମିନତୀ ଗାଗରାଇ, ପ୍ରଣତୀ ନାୟକ ପ୍ରମୁଖ ଯୋଗ ଦେଇଥିଲେ। ମହିଳାମାନେ ସଶକ୍ତ ଓ ଆର୍ଥିକ ଭାବେ ସ୍ୱାବଲମ୍ବୀ ହୋଇପାରିଲେ ସବୁ କ୍ଷେତ୍ରରେ ଦେଶର ବିକାଶ ଗତିଶୀଳ ହୋଇପାରିବ। ଏହାକୁ ଉପଲବ୍ଧି କରି ବିଜେଡି ସରକାର ମିଶନ ଶକ୍ତି ବିଭାଗ ଜରିଆରେ ମହିଳାମାନଙ୍କୁ ଆତ୍ମନିର୍ଭରଶୀଳ କରିବାରେ ପ୍ରମୁଖ ଭୂମିକା ଗ୍ରହଣ କରି ଅନ୍ୟ ରାଜ୍ୟ ପାଇଁ ଉଦାହରଣ ସୃଷ୍ଟି କରିଥିଲେ ବୋଲି ବକ୍ତାମାନେ ପ୍ରକାଶ କରିଥିଲେ। ଆଠଗଡ ନିର୍ବାଚନ ମଣ୍ଡଳୀର ବିଭିନ୍ନ ଅଞ୍ଚଳରୁ ଶହ ଶହ ମହିଳା ଆସି ଏହି ସମାବେଶରେ ଯୋଗଦାନ କରିଥିଲେ।
Popular Categories
Previous article
Next article