ପ୍ରତିନିଧି ମଣ୍ଡଳୀର ନାରୀବନ୍ଦୀ ନିକେତନ ପରିଦର୍ଶନ

ସମ୍ବଲପୁର: ସମ୍ବଲପୁର ଜିଲା ପ୍ରଶାସନ ପକ୍ଷରୁ ନିଯୁକ୍ତ ନନ ଅଫିସିଆଲ କମିଟିର ଏକ ପ୍ରତିନିଧି ମଣ୍ଡଳ ସୋମବାର ସ୍ଥାନୀୟ ନାରୀ ବନ୍ଦୀ ନିକେତନ ପରିଦର୍ଶନ କରିଛନ୍ତି। ଜିଲା ପ୍ରଶାସନର ନ୍ୟାୟିକ ବିଭାଗ ପକ୍ଷରୁ ୫ ଜଣିଆ ସଦସ୍ୟ ଓ ସଦସ୍ୟାଙ୍କୁ ନେଇ ନାରୀ ବନ୍ଦୀ ନିକେତନ ନନ ଅଫିସିଆଲ ପରିଦର୍ଶନ କମିଟି ଗଠନ କରାଯାଇଥିବା ବେଳେ ସୋମବାର କମିଟିର ସଦସ୍ୟ ନିହାଲ ସିଂ ଓ ମୋମିନା ଖାତୁନ ପରିଦର୍ଶନରେ ଯାଇଥିଲେ। ସେମାନେ ଅନ୍ତେବାସୀଙ୍କ ସହିତ ବିଭିନ୍ନ ସୁବିଧା ଅସୁବିଧା ସମ୍ପର୍କରେ ଆଲୋଚନା ପରେ ଅଧିକ୍ଷକ ରୁନୁବାଳା ଦେଈଙ୍କ ସହିତ ଆଲୋଚନା କରିଥିଲେ। ପରିଦର୍ଶନ ସମ୍ପର୍କରେ ଜିଲା ପ୍ରଶାସନକୁ ଏକ ରିପୋର୍ଟ ପ୍ରଦାନ କରି ଅନ୍ତେବାସୀଙ୍କ ମତାମତ ଜଣାଯିବ ବୋଲି ନିହାଲ ସିଂ କହିଛନ୍ତି।