ସମ୍ବଲପୁର: ସମ୍ବଲପୁର ଜିଲା ଶାସନ ଥାନା ଅନ୍ତର୍ଗତ ଅଞ୍ଚଳରେ ୨୦୨୧ ମସିହାରେ ରୁଜୁ ହୋଇଥିବା ନାବାଳିକା ଉତ୍ପିଡନ ମାମଲାରେ ଅଭିଯୁକ୍ତଙ୍କୁ ପୋକ୍ସୋ ଅଦାଲତ ଦଣ୍ଡିତ କରିଛନ୍ତି। ସେପ୍ଟେମ୍ବର ୨୦୨୧ ମସିହାରେ ଘଟଣା ଦିନ ପିଡିତା ନାବାଳିକା (୧୪) ତାର ବାପା, ମାଁ ଓ ଆଈ ସହିତ ପାଖ ଗ୍ରାମକୁ ଯାଇଥିଲା। ସେହି ଦିନ ଅଭିଯୁକ୍ତ ସୋନାଲୁ ଗର୍ଡ଼ିଆ (୪୨) ମଧ୍ୟ ଉକ୍ତ ଗ୍ରାମକୁ ତାର ବାଇକରେ ଯାଇଥିଲା। ସନ୍ଧ୍ୟା ସମୟରେ ପିଡିତା ଓ ତାର ବାପା ଅଭିଯୁକ୍ତର ବାଇକରେ ନିଜର ଗ୍ରାମକୁ ଫେରିଥିଲେ। ଗ୍ରାମ ମୁଣ୍ଡରେ ପିଡିତା ଓ ତାର ବାପା ଗାଡିରୁ ଓହ୍ଲାଇବା ପରେ ତାର ବାପା ଅନ୍ୟତ୍ର କାମରେ ଯିବାରୁ ପିଡିତା ଜଣକ ଘରକୁ ଏକାକୀ ଚାଲି ଚାଲି ଆସିଥିଲା। ପିଡିତା ଘରେ ରୋଷେଇ କରୁଥିବା ବେଳେ କିଛି ସମୟ ପରେ ଅଭିଯୁକ୍ତ ତାର ଘରେ ପହଂଚି ଜୋରଜବରଦସ୍ତି କରିବା ପାଇଁ ଟଣା ଓଟରା କରିଥିଲା। ତେବେ କୌଣସି ମତେ କୌଶଳ କରି ପିଡିତା ରୋଷେଇ ଘରୁ ବାହାରି ଯାଇ ଲୁଚି ଯାଇଥିଲା। ଏହା ପରେ ପିଡିତା ସମସ୍ତ ବିଷୟ ବାପା ଓ ମାଁ କୁ କହିଥିଲା। ଫଳରେ ଶାସନ ଥାନାରେ ଅଭିଯୋଗ କରିବାରୁ ଏକ ପୋକ୍ସୋ ମାମଲା ରୁଜୁ କରି ଘଟଣାର ତଦନ୍ତ ସମୟ କରିଥିଲା। ଏହି ମାମଲାର ଶୁଣାଣି ସମୟରେ ସମୁଦାୟ ୧୨ ଜଣ ସାକ୍ଷ୍ୟ ଗ୍ରହଣ ଓ ବିଭିନ୍ନ ପ୍ରମାଣ ଆଧାରରେ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରି ୪ ବର୍ଷ ସଶ୍ରମ କାରାଦଣ୍ଡ ଓ ୧୦ ହଜାର ଟଙ୍କା ଜରିମାନା କରିଛନ୍ତି। ଜରିମାନା ଅନାଦେୟ ହେଲେ ଅଧିକ ୨ ମାସ କାରାଦଣ୍ଡ ଭୋଗିବାକୁ ପୋକ୍ସୋ ଅଦାଲତର ବିଚାରପତି ଅଭିଳାଶ ସେନାପତି ମଙ୍ଗଳବାର ତାଙ୍କର ଫଇସଲା ଶୁଣାଇଛନ୍ତି।
Popular Categories
Previous article
Next article