ରେଙ୍ଗାଲିକ୍ୟାମ୍ପ: ଅତାବିରା ଏନ. ଏ. ସି. ଅନ୍ତର୍ଗତ ଲାଦର ପାଲି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ର ୨୮ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି। ସଭାପତି ଶେଷଦେବ ନାଏକଙ୍କ ସଭାପତିତ୍ଵରେ ପ୍ରଥମ ଅଧିବେଶନ ଆରମ୍ଭ ହୋଇଥିଲା। ପ୍ରଥମ ଅଧିବେଶନରେ ଏନ. ଏ. ସି. କାର୍ଯ୍ୟ ନିର୍ବାହୀ ଅଧିକାରୀ ଉମେଶ ଚନ୍ଦ୍ର ସାହୁ, ଚାପଧାରି ସିଂ, ସୁବୋଧ ଚନ୍ଦ୍ର ବାରିକ, ସମ୍ପାଦକ କୃଷ୍ଣଚନ୍ଦ୍ର ପ୍ରଧାନ ଓ ଅଧ୍ୟକ୍ଷ ଟିକେଲାଲ ଚାନ୍ଦ ମଞ୍ଚାସିନ ଥିଲେ। ଶ୍ରୀ ଶେଷଦେବ ନାଏକଙ୍କ ସଭାପତିତ୍ବ କ୍ରମେ ଏହି ଉତ୍ସବରେ ଦ୍ଵିତୀୟ ଅଧିବେଶନରେ ସରୋଜ କୁମାର ରଥ ସ୍ବାଗତ ଭାଷଣ ଦେଇଥିଲେ। ଅଧ୍ୟକ୍ଷ ଟିକେଲାଲ ଚାନ୍ଦ ବାର୍ଷିକ ବିବରଣୀ ପଠନ କରିଥିଲେ। ଏହି ଅଧିବେଶନରେ ଅତିରିକ୍ତ ଜିଲ୍ଲାପାଳ ବରଗଡ଼ ମଧୁଛନ୍ଦା ସାହୁ, ସୁରେନ୍ଦ୍ର ହୋତା, ଜୋନାଲ ମୁଖ୍ୟ ଟିପିଡବ୍ଲୁଡିଏଲ୍, ବରଗଡ ଅରୁଣ କୁମାର ହୋତା, ମନୋରଞ୍ଜନ ମିଶ୍ର ଡାଇରେକ୍ଟର ପିନାକଲ ଗ୍ରୁପ ଅଫ ଇନଷ୍ଟିଚ୍ୟୁସନ୍ ସମ୍ବଲପୁର ପ୍ରମୁଖ ମଞ୍ଚାସୀନ ହୋଇଥିଲେ।ଦଶମ ଶ୍ରେଣୀ ପରୀକ୍ଷାରେ ସମଗ୍ର ଓଡ଼ିଶା ରାଜ୍ୟରେ ପ୍ରଥମ ହୋଇଥିବା ଛାତ୍ର ଶୁଭଙ୍କର ସାହୁଙ୍କୁ ସମାଜ ସେବୀ ବିପିନ ବିହାରୀ ପ୍ରଧାନ ସ୍ମୃତି-ସମ୍ମାନରେ ସମ୍ମାନିତ କରାଯାଇଥିଲା। ମେଡିକାଲ ପରୀକ୍ଷାରେ କୃତୀ ଅଗ୍ରଦୂତ ଛାତ୍ରଛାତ୍ରୀ ମାନଙ୍କୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା।
Comments are closed.