ମଣ୍ଡଳସ୍ତରୀୟ ଶିଶୁ ମହୋତ୍ସବ ସୁରଭି ୨୦୨୪ ଅନୁଷ୍ଠିତ

କଲ୍ୟାଣସିଂହପୁର-: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତରେ ଥିବା ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଶୁଲିପଦର ଠାରେ ମଣ୍ଡଳ ସ୍ତରୀୟ ଶିଶୁ ମହୋତ୍ସବ ସୁରଭି ୨୦୨୪ ଅନୁଷ୍ଠିତ ହୋଇଛି ।ମଣ୍ଡଳ ଶିକ୍ଷାଅଧିକାରୀ ସୁଦୀପ୍ତ କୁମାର ଦାସଙ୍କ ସଭାପତିତ୍ୱ କରିଥିବା ବେଳେ ମୂଖ୍ୟ ଅତିଥି ଭାବେ ବି ଆର ସି ସି ମୋହନ ରାଓ କଣ୍ଡାଗରୀ ଉପସ୍ଥିତ ରହି କାର୍ଯ୍ୟକ୍ରମ ଉଦଘାଟନ କରିଥିଲେ ବିଷମକଟକ ର ବରିଷ୍ଠ ଶିକ୍ଷକ ରାଜେଶ ବିଶ୍ୱାଳ ମୂଖ୍ୟ ବକ୍ତା ଓ ବି ଆର ସି ସି ବିଜୟ ସେଠୀ, ପବିତ୍ର ମୋହନ ନାୟକ ସଂମ୍ମାନ ଅତିଥି ଭାବେ ମଞ୍ଚାସିନ ରହିଥିଲେ ।ଏଥିରେ ୧୩ଟି ଆଞ୍ଚଳିକ ସାଧନା କେନ୍ଦ୍ରର  ବରିଷ୍ଠ ଓ କନିଷ୍ଠ ଓ ଉପ କନିଷ୍ଠ ବିଭାଗର  ମୋଟ ୧୯୫ଜଣ ଛାତ୍ରଛାତ୍ରୀ ମାନେ ମଣ୍ଡଳ ସ୍ତରୀୟ ସୁରଭି କାର୍ଯ୍ୟକ୍ରମରେ ଯୋଗ ଦେଇଥିଲେ। ଛାତ୍ର ଛାତ୍ରୀ ମାନଙ୍କୁ ନେଇ ପ୍ରତିଯୋଗିତା ଗୁଡିକ ହେଲା କୁଇଜ, ବିତର୍କ, ପ୍ରବନ୍ଧ, ଚିତ୍ରାଙ୍କନ, ସୃଜନଶୀଳ ଲିଖନ, ବକୃତା, ସଂଗୀତ, ଓଡ଼ିଆ ହସ୍ତାକ୍ଷର, ଦଳଗତ ନୃତ୍ୟ ଆୟୋଜନ ହୋଇଥିଲା ।ଏଥିରେ କୃତିତ୍ୱ ଅର୍ଜନ କରିଥିବା ସମସ୍ତ ବିଭାଗର ପ୍ରତିଯୋଗୀ ମାନଙ୍କୁ ଅତିଥୀଙ୍କ ଦ୍ୱାରା ପୁରସ୍କୃତ କରିବା ସହ ପ୍ରଥମ ସ୍ଥାନ ଅଧିକାର କରିଥିବା ସମସ୍ତ ପ୍ରତିଯୋଗୀ ମାନେ ଜିଲା ସ୍ତରୀୟ ସୁରଭିରେ ଭାଗ ନେବେ ବୋଲି ଜଣାପଡିଛି ।