ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଆମ ଆଦମୀ ପାର୍ଟିର ଆବାହକ ଭବାନୀ ପ୍ରସାଦ ସାହୁଙ୍କ ନେତୃତ୍ୱରେ ଅତାବିରା ଅlପ୍ ପକ୍ଷରୁ ବିଦ୍ୟୁତ୍ ଶୁଳ୍କ ଆଦାୟ ଓ ଯୋଗାଣକୁ ନେଇ ବିକ୍ଷୋଭ ପ୍ରଦର୍ଶନ କରାଯାଇଥିଲା। କରୋନା ଯୋଗୁଁ ଦୁଇ ବର୍ଷ ଧରି ଲୋକେ ଆର୍ଥିକ ସଙ୍କଟରେ ରହିଥିଲେ। ଗତ କିଛି ଦିନ ହେବ ଲୋକେ ତାଙ୍କର ଆର୍ଥିକ ସ୍ଥିତିକୁ ସ୍ୱଚ୍ଛଳ କରିବାରେ ପ୍ରୟାସ କରୁଛନ୍ତି। ଏଭଳି ପରିସ୍ଥିତିରେ ବିଦ୍ୟୁତ୍ ଉପଭୋକ୍ତା ମାନେ ତାଙ୍କର ବକେୟା ଅର୍ଥ ରାଶି ଦେବାରେ ସମ୍ପୂର୍ଣ୍ଣ ରୂପେ ଅକ୍ଷମ ଅଟନ୍ତି। ଅପର ପକ୍ଷେ ଦିନକୁ ଚାରି ଘଣ୍ଟା ପାୱାର କଟ କରାଯାଉଛି ବିଭିନ୍ନ ଆଳରେ। ଆପର କହିବା ଅନୁଯାୟୀ ଟାଟା ପାୱାର ବିଭିନ୍ନ କମ୍ପାନୀ, କଳ କାରଖାନାକୁ ବିଦ୍ୟୁତ୍ ଯୋଗାଣ କରି ଲୋକଙ୍କୁ ସୂଚନା ଦେଇଛନ୍ତି ମରାମତି ଚାଲିଛି। କେବଳ ସେତିକି ନୁହେଁ, ଟାଟା ପାୱାର ହାତରେ ବିଦ୍ୟୁତ୍ ବିଭାଗ ରହିବା ଦିନଠାରୁ ଅନେକ ସମସ୍ୟା ଦେଖାଯାଉଛି। ଅନେକ ଗ୍ରାମରେ ଟ୍ରାନ୍ସଫାର୍ମର ରହିଛି କିନ୍ତୁ କେନ୍ଥି ତେଲ ନାହିଁ ତ ଆଉ କେଉଁଠି ତେଲ ଚୋରି ହେଉଛି। ଥରେ କୌଣସି କାରଣ ବଶତଃ ବିଦ୍ୟୁତ୍ ଚାଲିଗଲେ ଗ୍ରାମ ମାନଙ୍କରେ ଦ୍ଦୀର୍ଘ ଦିନ ଧରି ଆଉ ବିଜୁଳିର ଦେଖା ନ ଥାଏ। କିନ୍ତୁ ବିଦ୍ୟୁତ୍ ବିଲ ଆଦାୟ ବେଳକୁ କଡାକଡି ନିୟମ। କେହି ନ ଦେଲେ ତାର ବିଦ୍ୟୁତ୍ କାଟ କରାଯିବ ବୋଲି ଜଗି ବସୁଛନ୍ତି ବିଲ ଆଦାୟ କରୁଥିବା କର୍ମଚାରୀ। ଅନେକ ସ୍ଥାନରେ ବିଦ୍ୟୁତ୍ ଖୁଣ୍ଟ ନ ଥାଇ ବାଉଁଶ ଖୁଣ୍ଟରେ ମଧ୍ୟ ତାର ଟଣାଯାଇ କାମ ଚଳା ହେଉଛି। ଏଥି ପ୍ରତି ଟାଟା ପାୱାରର ଦୃଷ୍ଟି ନାହିଁ। ଏହାକୁ ଦୃଷ୍ଟିରେ ରଖି ଟାଟା ପାୱାରର ଏହି ମନ ମୁଖି କାରବାର ବିରୋଧରେ ଆଜି ଅତାବିରା ଆପ ଦଳ ପକ୍ଷରୁ ସ୍ଵର ଉତ୍ତୋଳନ କରାଯାଇଛି। ଏଥିପାଇଁ ଅତାବିରା ଆର୍ ଏମ୍ ସି ମାର୍କେଟ ପଡ଼ିଆରୁ ଏକ ବିରାଟ ଶୋଭାଯାତ୍ରା ବାହାରି ଦୁର୍ଗା ମନ୍ଦିର ଛକ ଦେଇ ଲାଦରପାଲି ବିଦ୍ୟୁତ୍ କାର୍ଯ୍ୟାଳୟରେ ପହଞ୍ଚି ଘେରିଥିଲେ। ଏହାପରେ ବିଦ୍ୟୁତ୍ ଏସଡିଓ ମନ୍ମଥ ଦାଶଙ୍କୁ ଏକ ଦାବି ପତ୍ର ପ୍ରଦାନ କରାଯାଇଥିଲା।
Popular Categories
Previous article
Next article