bjd  ek lkhya koti banner

ହାତୀ ନଦୀରୁ ଶବ ଉଦ୍ଧାର ଘଟଣା, ଜୟପାଟଣା ଥାନାର ଦ୍ୱାରସ୍ଥ ହେଲେ ଏଓଏସସିଏଫ ସଦସ୍ୟ

mission shakti banner

କଲମପୁର: ଶିବରାତ୍ରି ପାଳନ ନେଇ ଅଂଚଳରେ ଉତ୍ସବ ମୁଖର ଥିବା ବେଳେ ଅଷ୍ଟ ପ୍ରହରୀ ଦେଖିବାକୁ ଯାଇ ନିଖୋଜ ହେଇଥିଲା ଜୟପାଟଣା ଥାନା ଅଧିନସ୍ଥ ପୋଲକାମୁଣ୍ଡା ଗ୍ରାମର ଧୋବା ବାଗଙ୍କ ୧୭ ବର୍ଷୀୟ ପୁଅ ଦିଲିପ। ଦିଲିପ କୋକସରା ଥାନା ଅଧିନସ୍ଥ ଲଡୁଗାଁ +୨ ଉଚ୍ଚ ମାଧ୍ୟମିକ ବିଦ୍ୟାଳୟରେ ପାଠ ପଢ଼ୁଥିଲେ। ତେଣୁ ପରିବାର ଲୋକ ଫୋନ ମାଧ୍ୟମରେ ଦିଲିପର ସନ୍ଧାନ ନେଇଥିଲେ। କିନ୍ତୁ ଦିଲିପର କୌଣସି ପତା ମିଳିନଥିଲା। ଯେଉଁଥି ପାଇଁ ପରିବାର ଲୋକ ବାଧ୍ୟ ହେଇ ଦିଲିପର ନିଖୋଜ ନେଇ ଜୟପାଟଣା ଥାନାରେ ଏକ ଏତଲା ଦେଇଥିଲେ। ଏହି ଏତଲା ଦେବାର ଦୁଇ ଦିନ ପରେ ମଙ୍ଗଳବାର ସକାଳ ୯ଟା ବେଳେ ହାତୀ ନଦୀର ଟେମରା ପରୁଆଗୁଡା ଘାଟ ମଧ୍ୟରେ ଏକ ଶବ ଭାସୁଥିବା ପରିବାର ଲୋକ ସୁଚନା ପାଇଥିଲେ। ତୁରନ୍ତ ଏନେଇ ଜୟପାଟଣା ଥାନାକୁ ଜଣାଇଥିଲେ। ଜୟପାଟଣା ଏବଂ କଲମପୁର ପୁଲିସ ଥାନାର ମିଳିତ ଉଦ୍ୟମ ଏବଂ କଲମପୁର ଅଗ୍ନିଶମ ବାହିନୀର ସକ୍ରିୟ ସହଯୋଗରେ ହାତୀ ନଦୀର ପାଣିଗାଁ ମହାଭାରତ ପଡ଼ିଆ ନିକଟସ୍ଥ ଘାଟ ନିକଟରେ ଶବକୁ ଉଦ୍ଧାର କରାଯାଇଥିଲା। ଏହାପରେ ସନ୍ଧାନୀ କୁକୁର ସହାୟତାରେ ବୈଷୟିକ ପୁଲିସ ଦଳ ଘଟଣାର ତଦନ୍ତ ଆରମ୍ଭ କରିଥିଲେ। ଉଦ୍ଧାର ହେଇଥିବା ଶବ ନିଖୋଜ ଦିଲିପର ବୋଲି ନିଶ୍ଚିତ ହେଇଥିଲେ। ଏହାପରେ ଶବର ବ୍ୟବଚ୍ଛେଦ ପାଇଁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସ୍ତାନାନ୍ତରିତ କରାଯାଇଥିଲା। ବୁଧବାର ସକାଳେ ଶବର ବ୍ୟବଚ୍ଛେଦ ହେବା ପରେ ପରିବାର ଲୋକଙ୍କୁ ହସ୍ତାନ୍ତରିତ କରାଯାଇଥିଲା। ପରିବାର ଲୋକ ଶବ ଗ୍ରହଣ କରିବା ସହ ଏ.ଓ.ଏସ.ସି.ଏଫ ର ସଦସ୍ୟଙ୍କ ସହ ଆଲୋଚନା କରି ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ମତବ୍ୟକ୍ତ କରିଥିଲେ। ଏହାପରେ ଏହାର ଏକ ଉଚ୍ଚସ୍ତରୀୟ ତଦନ୍ତ ଓ ମୃତ ଦିଲିପର ପରିବାରକୁ ନ୍ୟାୟ ପ୍ରଦାନ ପାଇଁ ଏ.ଓ.ଏସ.ସି.ଏଫ ର ଜିଲ୍ଲା ସଭାପତି ଧନଞ୍ଜୟ ଦୀପ, ମହାସଚୀବ ଜତିନ୍ଦ୍ର କର, ଜିଲ୍ଲା ସମ୍ପାଦକ ଶ୍ରୀକାନ୍ତ ଛତ୍ରିଆ, ଯୁବ ନେତା ଢଗ ନାଏକ, ମାଧବ ସୁନାନୀ, ବେଣୁଧର ଦୁର୍ଗା, ପରିକ୍ଷିତ କଣ୍ଟା, କର୍ଣ୍ଣ ନାଗ, ଚିତ ରଞ୍ଜନ ନିଆଲ ପ୍ରମୁଖଙ୍କ ନେତୃତ୍ୱରେ ଶତାଧିକ ଲୋକ ଜୟପାଟଣା ଥାନାର ଦ୍ୱାରସ୍ଥ ହେଇଥିଲେ। ଏହାସହ ଘଟଣାର ନିରପେକ୍ଷ ତଦନ୍ତ କରି ମୃତ ଦିଲିପର ପରିବାରକୁ ନ୍ୟାୟ ପ୍ରଦାନ କରିବା ପାଇଁ ଦାବି କରିଥିଲେ।

Comments are closed.