ପାତ୍ରପୁର: ଜରଡ଼ା ଥାନା ତୁମ୍ବା ପଞ୍ଚାୟତ ସିଲେଇ ଶିଙ୍ଗି ଗ୍ରାମରୁ ନିଖୋଜ ଜଣେ ବ୍ୟକ୍ତିଙ୍କ ମୃତ ଦେହ ନଦୀ ଗଣ୍ଡରୁ ଉଦ୍ଧାର ହୋଇଛି। ମୃତ ବ୍ୟକ୍ତି ଜଣକ ହେଲେ ସିଲେଇ ଶିଙ୍ଗି ଗ୍ରାମର କାଳିଆ ଶବର (୫୮) ବୋଲି ଜଣାପଡିଛି। ମୃତ ବ୍ୟକ୍ତି ଜଣକ ଗତ ମଙ୍ଗଳବାର ଦିନ ସକାଳେ ବୁରସାହି ନିକଟ ଜମିକୁ ଯାଇଥିଲେ। ତେବେ ଦୀର୍ଘ ସମୟ ଧରି ସେ ଘରକୁ ନଫେରିବା ଦେଖି ଲୋକମାନେ ତାଙ୍କୁ ଖୋଜା ଖୋଜି କରିଥିଲେ। ଦୁଇ ଦିନ ଧରି ତାଙ୍କ ସନ୍ଧାନ ମିଳିନଥିବା ବେଳେ ଆଜି ଗ୍ରାମ ଠାରୁ ଅନତି ଦୂର ମହେନ୍ଦ୍ର ତନୟା ନଦୀର ଏକ ଗଣ୍ଡରେ ମୃତଦେହ ଭାସୁଥିବା ଲୋକମାନେ ଦେଖି ଥିଲେ। ଏହା ପରେ ପରିବାର ଲୋକ ପହଞ୍ଚି କାଳିଆର ଶବ ବୋଲି ଜାଣିବା ସହ ତୁମ୍ବା ଫାଣ୍ଡିକୁ ଜଣାଇଥିଲେ। ଏତଲା ପାଇ ପୋଲିସ ପହଞ୍ଚିବା ଶହ ଏକ ଅପମୃତ ମାମଲା ରୁଜୁ କରିବା ସହ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି।
Comments are closed.