କଳାପଥର (ବାଙ୍କୀ): ସାରା ରାଜ୍ୟରେ ଗ୍ରାମାଞ୍ଚଳ ଓ ସହରାଞ୍ଚଳ ଆଦି ସ୍ଥାନରେ ଫୁଟ୍ପାଥ ବ୍ୟବସାୟୀମାନଙ୍କ ସଂଖ୍ୟା ଦିନକୁ ଦିନ ବଢ଼ିବାକୁ ଲାଗିଛି। ଏପରିକି ରାସ୍ତାକଡରେ କ୍ୟାବିନ, ଚାଳିଆ ଓ ତମ୍ବୁ ଟାଣି ବ୍ୟବସାୟୀମନେ ବ୍ୟବସାୟ କରିବା ପାଇଁ ପସନ୍ଦ କରୁଛନ୍ତି। ଏଭଳି ଘଟଣା ବାଙ୍କୀ ଉପଖଣ୍ଡର ବାଙ୍କୀ ବଜାର, କଳାପଥର, ବ୍ରହ୍ମପୁରାର ତାରିଣି ଛକ, ପଥୁରୀପଡା ବଜାର ଓ ବୈଦ୍ୟେଶ୍ୱର ଛକ ଆଦି ସ୍ଥାନରେ ଦେଖିବାକୁ ମିଳିଛି। ବିଶେଷ କରି ମୁଖ୍ୟ ରାସ୍ତାକୁ ବ୍ୟବହାର କରି ପରିବା ବ୍ୟବସାୟୀମାନେ ବ୍ୟବସାୟ କରୁଥିବା ବେଳେ ଯାତାୟତରେ ସମ୍ପୂର୍ଣ୍ଣ ବାଧା ସୃଷ୍ଟି ହେଉଛି। ବାଙ୍କୀ ବଜାର ଦେଇ କଟକ ଓ ଭୁବନେଶ୍ୱର, କଳାପଥର ବଜାର ଦେଇ ଭୁବନେଶ୍ୱର ଓ କଣ୍ଟିଲୋ ଓ ଦଶପଲ୍ଲା ଏବଂ ବୈଦ୍ୟେଶ୍ୱର ଠାରେ ଟି-ସେତୁ ଦେଇ ବଡମ୍ବା-ଅନୁଗୁଳ ସହିତ ସଂଯୋଗ ହୋଇଥିବାରୁ ବହୁଗାଡ଼ି ଦୈନିକ ଯିବାଆସିବା କରିଥାନ୍ତି। ଆଉ ମଧ୍ୟ କଳାପଥର ବସ୍ଷ୍ଟାଣ୍ଡ ଠାରେ ପରିବା ବେପାରୀ ବେପାର ଆରମ୍ଭ କରିଥିବାରୁ ଖାଉଟିମାନେ ସାଇକେଲ୍, ଦୁଇଚକିଆଯାନ, ତିନିଚକିଆ ଓ ଚାରିଚକିଆ ଯାନ ରଖିବା ଯୋଗୁ ଏହି ରାଜପଥରେ ଯାତାୟତ ବାଧାପ୍ରାପ୍ତ ହେଉଛି। ଖଜୁରୀପଦା ଓ ଗ୍ରାମାଞ୍ଚଳ ଚାଷୀମାନେ କଳାପଥର ବସଷ୍ଟାଣ୍ଡ୍ ଠାରେ ନବସି ଷ୍ଟେଟ୍ ବ୍ୟାଙ୍କ ନିକଟରେ ମୁଖ୍ୟରାସ୍ତା ଉପରେ ବସି ରହୁଛନ୍ତି। ସେହିପରି ବ୍ରହ୍ମପୁରାର ତାରିଣି ଛକ ଠାରେ ସବୁଦିନ ରାସ୍ତାର ଉଭୟ ପାଶ୍ୱର୍ରେ ଏଭଳି ପସରା ମେଲେଇ ଥାନ୍ତି ଯେ ଗାଡିଗୁଡିକ ଯିବାଆସିବା ନିମନ୍ତେ ଅସୁବିଧା ସୃଷ୍ଟି ହେବା ସଂଗେ ସଂଗେ ବହୁଥର ବିବାଦ ମଧ୍ୟ ଥାନାରେ ପହଞ୍ଚିଛି। ସେହିପରି ପଥୁରୀପଡା ବଜାର ଓ ବୈଦ୍ୟେଶ୍ୱର ଛକ ଠାରେ ରାସ୍ତା ଉପରେ ବ୍ୟବସାୟୀମାନେ ନିଜର ପସରା ଲମ୍ବେଇ ବ୍ୟବସାୟ କରୁଛନ୍ତି। ଏପରିକି ଦମ୍କଳ, ଆମ୍ବୁଲାନ୍ସ ଓ ଜରୁରୀକାଳୀନ ଯାନଗୁଡିକ ଯାତାୟତ କରିବାରେ ବହୁ ଅସୁବିଧା ସୃଷ୍ଟି ହୋଇଛି। ବାଙ୍କୀ ସହରରେ ବ୍ୟବସାୟୀମାନେ ରାସ୍ତା ଉପରେ ବସୁଥିବା ବେଳେ ବାଙ୍କୀ ଏନ୍.ଏ.ସି କର୍ତ୍ତୁପକ୍ଷ ଏଥିପ୍ରତି କୌଣସି ଦୃଷ୍ଟି ଦେଉନାହାଁନ୍ତି।
Popular Categories
Previous article
Next article