ଲଡ଼ୁଗାଁ: କୋକସରା ବ୍ଲକ ସିଉନି ଗ୍ରାମରୁ ବିଦ୍ୟୁତ୍ ତାର ସଂସ୍ପର୍ଶରେ ଆସି ଦୁଇ ଗାଈ ମୃତ୍ୟୁର ଦୁଃଖଦ ଖବର ଆସିଛି। ଅଭିଯୋଗ ଅନୁସାରେ ଚାଷୀ ପୃଥ୍ୱୀରାଜ ବେହେରାଙ୍କ ଗାଈ ଚରିବାକୁ ଯାଇଥିବା ସମୟରେ ଶିଉନି ଦେଇ ପାତ୍ରବସା ଯାଇଥିବା କେନାଲ ନିକଟରେ ଥିବା ବିଦ୍ୟୁତ ଖୁଣ୍ଟରୁ ଓହଳି ପଡିଥିବା ବିଦ୍ୟୁତ ତାରରେ ଲାଗି ଦୁଇଟି ଦୁଧିଆଳି ଗାଈଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। ଏଇ କିଛି ଦିନର କାଳବୈଶାଖୀ ତାଣ୍ଡବ ସହିତ ଟାଟା ପାୱାରର ଖାମଖିଆଲି ମନୋଭାବ ଯୋଗୁଁ ଏଭଳି ଅଘଟଣ ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏପଟେ ଚାଷୀ ପୃଥ୍ୱୀରାଜ ବେହେରା ଦୁଇ ଗାଈ କ୍ଷୀର ବିକ୍ରି କରି ପରିବାର ପ୍ରତିପୋଷଣ କରୁଥିବା ବେଳେ ଏବେ ରୋଜଗାର ଦେଉଥିବା ମାତୃତୁଲ୍ୟ ଗାଈର ମୃତ୍ୟୁ ପରେ ଭାଙ୍ଗି ପଡିଛନ୍ତି । ଏପଟେ ବିଦ୍ୟୁତ ବିଭାଗ ପକ୍ଷରୁ ଚାଷିଙ୍କୁ କ୍ଷତିପୂରଣ ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି। ଅନ୍ୟପକ୍ଷରେ ଟାଟା ପାୱାର କର୍ମଚାରୀ ଜନସାଧାରଣଙ୍କ ସମସ୍ୟା ସମାଧାନ ପାଇଁ ଅଭିଯୋଗକୁ ଅଣଦେଖା କରୁଥିବାର ଲୋକେ ସାଙ୍ଘାତିକ ଅଭିଯୋଗ କରିଛନ୍ତି।
Comments are closed.