ସମ୍ବଲପୁର: ମାଁ ସମଲେଶ୍ୱରୀଙ୍କ ନାମ ନେଇ ବିଜେଡି ଦଳର ସମ୍ବଲପୁର ଲୋକସଭା ଆସନ ପ୍ରାର୍ଥୀ ପ୍ରଣବ ପ୍ରକାଶ ଦାସ (ବବି) ଶୁକ୍ରବାର ସମ୍ବଲପୁର ଜିଲାରେ ମାରାଥନ ପ୍ରଚାର ଆରମ୍ଭ କରିଛନ୍ତି। ସମ୍ବଲପୁର ମାଟି ବୀରମାଟି, ମାଁ ସମଲେଶ୍ୱରୀଙ୍କ ମାଟି, ବୀର ସୁରେନ୍ଦ୍ର ସାଏଙ୍କ ମାଟି। ଏ ମାଟି ମାଁ ର ସେବା କରିବାକୁ ମୁଖ୍ୟମନ୍ତ୍ରୀ ମୋତେ ସୁଯୋଗ ଦେଇଥିବାରୁ ତାଙ୍କୁ ଧନ୍ୟବାଦ ଜଣାଉଛି ବୋଲି ଶ୍ରୀ ଦାସ ପ୍ରଚାର ସମୟରେ କହିଛନ୍ତି। ରେଙ୍ଗାଲି ନିର୍ବାଚନ ମଣ୍ଡଳୀରେ ମାରାଥନ ପ୍ରଚାର କରି ଶ୍ରୀ ଦାସ ବିଭିନ୍ନ ଗ୍ରାମ ଗୁଡିକୁ ଯାଇ ପ୍ରଚାର କରିବା ସହିତ ଜନତାଙ୍କ ସହିତ ଆଲୋଚନା କରି ସେମାନଙ୍କର ସମସ୍ୟା ସମ୍ପର୍କରେ ପଚାରି ବୁଝି ଥିଲେ। ଅଭିଯାନ କ୍ରମରେ ଧନକଉଡା ଜୋନ ୧ ଅର୍ନ୍ତଗତ ତାଲବ ଗ୍ରାମର ସମଲେଇ ମନ୍ଦିର ଯାଇ ମାଁ ସମଲେଶ୍ୱରୀଙ୍କ ଦର୍ଶନ, ବୀର ସୁରେନ୍ଦ୍ର ସାଏଙ୍କ ଜନ୍ମ ମାଟି ତଥା ରେଙ୍ଗାଲି ଜୋନ ୧ ଅନ୍ତର୍ଗତ ଖିଣ୍ଡା ଗ୍ରାମକୁ ଯାଇ ସୁରେନ୍ଦ୍ର ସାଏଙ୍କ ପ୍ରତିମୁର୍ତ୍ତିରେ ମାଲ୍ୟାର୍ପଣ, ରେଙ୍ଗାଲି ସ୍ଥିତ ଦୁର୍ଗା ମନ୍ଦିର ଦର୍ଶନ, ରେଙ୍ଗାଲି ନାଗରିକ କମିଟି ଓ ମାରୱାଡି ସମାଜ ସହିତ ଆଲୋଚନା ଏବଂ ବିଜେଡିର ମିଶ୍ରଣ ପର୍ବରେ ଯୋଗ ଦେଇଥିଲେ।
Comments are closed.