କଳାପଥର (ବାଙ୍କୀ): ଠଣାପଲ୍ଲୀ ଗ୍ରାମରେ ମା ‘କାଳିକା ଠାକୁରାଣୀଙ୍କ ପୀଠ ସ୍ଥଳୀରେ ଦଣ୍ଡ ମେଳଣ ଉତ୍ସବ ମହାଆଡ଼ମ୍ବରରେ ଅନୁଷ୍ଠିତ ହୋଇଯାଇଛି। ଦଣ୍ଡନାଚ ନିମନ୍ତେ ଅଂଚଳରେ ଧାର୍ମିକ ପରିସ୍ଥିତି ସୃଷ୍ଟି ହୋଇଛି। ଏହି ପରିପେକ୍ଷୀରେ ଠଣାପଲ୍ଲୀ ଗ୍ରାମରେ ଦଣ୍ଡ ଠାକୁରଙ୍କୁ ସ୍ଵାଗତ କରିବା ପାଇଁ ଘର ସମୁଖକୁ ଗୋବରରେ ଲିପାଯାଇ, କଳସ, ଦୀପ ଲଗାଯାଇ, ନୈବେଦ୍ୟ ଭାବେ ମୁଆ, ନଡ଼ିଆ, କଦଳୀ, ସେଓ, କମଳା ତଥା ଅଙ୍ଗୁର ନିଷ୍ଠା ଓ ଭକ୍ତିର ସହିତ ସମର୍ପଣ କରାଯାଇଥାଏ। କଳାପଥର, ଖଜୁରିପଦା, ଗେଡିଆପଲ୍ଲୀ, ଲେମ୍ବେରୀ, କୃଷ୍ଣପଲ୍ଲୀ, ଖରାଡପିଲ୍ଲୀ, କାଦୁଅପଡା, ଆରିକମା ଗ୍ରାମର ଦଣ୍ଡ ଠାକୁର ମାନେ ସୁସଜ୍ଜିତ ପଟୁଆରରେ ମେଳଣ ସ୍ଥଳରେ ପହଂଚିଥିଲେ। ୩ ରାତ୍ରି ଧରି ଦଣ୍ଡ ନାଚ ସହିତ ନାଟକ ଓ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା।
Comments are closed.