ରେଙ୍ଗାଲି: ହୀରାକୁଦ ନଦୀବନ୍ଧ ଯୋଜନାରେ ଜଳମଗ୍ନ ହୋଇଥିବା ପିତାପାଲି ଗ୍ରାମର ଜଗନ୍ନାଥ, ବଳଭଦ୍ର ଓ ସୁଭଦ୍ରା ବିସ୍ଥାପିତ ହୋଇ ରେଙ୍ଗାଲି ବ୍ଲକ ତବଡାବାହାଲ ପଞ୍ଚାୟତ ଅନ୍ତର୍ଗତ ବାରଡୁଙ୍ଗୁରୀ ଗୌଡପଡାରେ ଗତ ୬୬ ବର୍ଷ ହେଲା ଏକ ଟିଣ ଘରେ ପୂଜା ପାଉଛନ୍ତି। ମହାପ୍ରଭୁଙ୍କ ମନ୍ଦିର ଅର୍ଦ୍ଧ ନିର୍ମିତ ହୋଇ ପଡି ରହିଛି। ସରକାର ଜଗନ୍ନାଥ ସଂସ୍କୃତିର ସୁରକ୍ଷା,ବିକାଶ ଓ ପ୍ରସାର ଦିଗରେ ଗୁରୁତ୍ବ ଦେଉଥିବା ପରିପ୍ରେକ୍ଷୀ ରେ ଦୀର୍ଘ ବର୍ଷ ହେଲା ବାରଡୁଙ୍ଗୁରୀ ଗୌଡପଡାରେ ସମ୍ପୂର୍ଣ୍ଣ ହୋଇ ପଡି ରହିଥିବା ଜଗନ୍ନାଥ ମନ୍ଦିର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ଆର୍ଥିକ ଅନୁଦାନ ଯୋଗାଇ ଦେବାକୁ ଅଞ୍ଚଳବାସୀ ଆଜି ୫ଟି ଅଧ୍ୟକ୍ଷ ଭି କେ ପାଣ୍ଡିଆନଙ୍କୁ ସାକ୍ଷାତ କରି ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି। ଶ୍ରୀ ପାଣ୍ଡିଆନ ଆଜି ଧସିନକଉଡା ବ୍ଲକର ପଧାନପାଲି ଗସ୍ତରେ ଆସି ଥିବା ବେଳେ ଅଞ୍ଚଳବାସୀଙ୍କ ଏକ ପ୍ରତିନିଧିଦଳ ଜନସାଧାରଣଙ୍କ ସ୍ବାକ୍ଷରିତ ଦାବୀପତ୍ର ପ୍ରଦାନ କରିଥିଲେ।
ଦେଶର ଭବିଷ୍ୟତ ଦେଶର ଯୁବକମାନଙ୍କ ଉପରେ ନିର୍ଭର କରେ – ସ୍ୱାମୀ ବିବେକାନନ୍ଦ
