ଡେସ୍କ: ପୁଲୱାମା ଆକ୍ରମଣକୁ ଇତି ମଧ୍ୟରେ ୪ ବର୍ଷ ବିତିସାରିଛି। ୨୦୧୯ ଫେବୃଆରୀ ୧୪ରେ ପାକିସ୍ତାନ ସମର୍ଥିତ ଆତଙ୍କବାଦୀଙ୍କ ବିସ୍ଫୋରକ ବୋଝେଇ ବାହନ ବିସ୍ଫୋରଣରେ ୪୦ ଜଣ ସିଆରପିଏଫ ଯବାନ ସହିଦ ହୋଇଥିଲେ। ସେହି ବୀର ଯବାନ ମାନଙ୍କ ବଳିଦାନକୁ ସ୍ମରଣ କରି ଆଜି ସାରା ଦେଶ ସେମାନଙ୍କ ତ୍ୟାଗ ଓ ବୀରତ୍ୱ ପ୍ରତି ଶ୍ରଦ୍ଧାସୁମନ ଅର୍ପଣ କରିଛି।
ସହିଦ୍ ଜବାନଙ୍କୁ ସମ୍ମାନ ଜଣାଇ ଆଜି ଓଡ଼ିଶା ଷ୍ଟୁଡେଣ୍ଟ୍ ଭଏସ୍ ତରଫରୁ ଏକ ମହମବତୀ ଶୋଭାଯାତ୍ରା ଆୟୋଜନ କରାଯାଇଥିଲା। ସଙ୍ଗଠନର ସଂସ୍ଥାପକ ଦୀପକ କମାର ସାହୁଙ୍କ ଆହ୍ୱାନ କ୍ରମେ ଆବାହକ ସୁଜିତ୍ ଦଳାଇଙ୍କ ନେତୃତ୍ୱରେ ଏହି ମହମବତୀ ଶୋଭାଯାତ୍ରା ଆୟୋଜନ କରାଯାଇଥିଲା। ରାଜଧାନୀ କଲେଜ କ୍ୟାମ୍ପସ କମଟିର କ୍ରୀଡ଼ା ସଂଯୋଜକ ସଂଜୀତ ଦାସଙ୍କ ତତ୍ତ୍ୱାବଧାନରେ ବିଭିନ୍ନ କଲେଜର ଛାତ୍ରଛାତ୍ରୀ ମାନେ ଏଥିରେ ଯୋଗ ଦେଇଥିଲେ।
