ଟିଟିଲାଗଡ଼: ଚାଷୀଙ୍କୁ ବହୁ ପ୍ରତୀକ୍ଷା ପରେ ରିହାତିରେ ଗଭୀର ନଳକୂପ ଖୋଲିବା ପାଇଁ ସରକାର ଯୋଜନା ଆରମ୍ଭ କରିଛନ୍ତି। ତେବେ ଯୋଜନାରେ ଲାଭପ୍ରଦ ହେବା ନେଇ ଚାଷୀ ଆତୁର ହୋଇ ପଡ଼ିଥିବା ବେଳେ ପ୍ରଶାସନର ଚିରାଚରିତ ଅବହେଳା ନେଇ ଚାଷୀ ହତାଶ ହୋଇ ପଡିଛନ୍ତି। ପ୍ରଶାସନ ପକ୍ଷରୁ ଯୋଜନା ନେଇ କେବଳ ୟୁନିୟନ ବ୍ୟାଙ୍କରେ ଟଙ୍କା ଜମା କରିବା ଧାର୍ଯ୍ୟ କରାଯାଇଥିବା ବେଳେ ବ୍ୟାଙ୍କ ପରିଚାଳକ ଚାଷୀଙ୍କୁ ଅସହଯୋଗ ତଥା ଦୁର୍ବ୍ୟବହାର କରୁଥିବା ଚାଷୀ ଅଭିଯୋଗ କରିଛନ୍ତି। ଚାଷୀ ବାରମ୍ବାର ବ୍ୟାଙ୍କକୁ ଧାଇଁ ଧାଇଁ ହଇରାଣ ହରକତ ହେଉଛନ୍ତି। ଚାଷୀଙ୍କୁ ଯୋଜନା ନେଇ ସ୍ଥାୟୀ ଜମା ଖାତା ଖୋଲିବାକୁ ଆବେଦନ ଫର୍ମ ମଧ୍ୟ ଦିଆଯାଉ ନଥିବା ଅଭିଯୋଗ କରି ଚାଷୀ ବ୍ୟାଙ୍କ ସମ୍ମୁଖରେ ଧାରଣା ଦେଇଛନ୍ତି। ଏନେଇ ବ୍ୟାଙ୍କ ପରିଚାଳକ ଗୋବିନ୍ଦ ସାହୁ ନିଜକୁ ନିର୍ଦୋଷ ବୋଲି କହିଛନ୍ତି। ବ୍ୟାଙ୍କ ସମ୍ମୁଖରେ ଧାରଣା ଜାରି ରହିଛି।
Popular Categories
Previous article
Next article