କଟକ: ରାଜ୍ୟରେ ସାଇବର କ୍ରାଇମ ବୃଦ୍ଧି ପାଉଥିବାରୁ ଶୁକ୍ରବାର ହାଇକୋର୍ଟ ଉଦବେଗ ପ୍ରକାଶ କରିଛନ୍ତି। ଏହାସହ କ୍ରାଇମବ୍ରାଞ୍ଚ ଡିଜିଙ୍କୁ ରିପୋର୍ଟ ତଲବ କରିଛନ୍ତି। ଏକ ଠକେଇ ମାମଲାର ଶୁଣାଣି କରି କ୍ରାଇମବ୍ରାଞ୍ଚ ଉପରେ ବର୍ଷିଛନ୍ତି କୋର୍ଟ। ସୁପ୍ରଭା ବେହେରା ନାମକ ଜଣେ ମହିଳା ପେଟିଏମରେ ଠକେଇ ନେଇ ଅଭିଯୋଗ କରିବା ପରେ ମାମଲା ହାଇକୋର୍ଟକୁ ଯାଇଥିଲା। ଶୁକ୍ରବାର ଶୁଣାଣି ବେଳେ ସାଇବର କ୍ରାଇମକୁ ଅଟକାଇବା ଦିଗରେ ପୋଲିସ ପଦକ୍ଷେପ ଯଥେଷ୍ଟ ନୁହେଁ। ମାମଲାର ତଦନ୍ତ ନିରୁତ୍ସାଜନକ। କ୍ରାଇମବ୍ରାଞ୍ଚ ଆଖିଦୃଶିଆ ପଦକ୍ଷେପ ଗ୍ରହଣ କରୁନଥିବାରୁ ଅପରାଧୀ ମାନେ ଅଧିକ ଅପରାଧ ଘଟାଇବାକୁ ପ୍ରୟାସ କରୁଛନ୍ତି। ସତ୍ୟପାଠ ଜରିଆରେ ଷ୍ଟାଟସ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ। ଜାନୁଆରୀ ୨୯ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ।
Popular Categories
Previous article
Next article